فۋتزال. قازاقستان مەن وزبەكستان جولداستىق ماتچ وتكىزەدى

فۋتزالدان قازاقستان قۇراماسى تاشكەنت قالاسىندا وزبەكستان كومانداسىمەن ەكى جولداستىق ماتچ وتكىزەدى.

ماتچتار كەلەسى جىلدىڭ 8-10 ءساۋىر ارالىعىندا وزبەكستاننىڭ استاناسىندا بولادى.

2021 جىلى استانادا قازاقستان مەن وزبەكستان قۇرامالارى ءوزارا ەكى جولداستىق كەزدەسۋ وتكىزگەن. العاشقى ويىن 3:1 ەسەبىمەن ۇلتتىق قۇرامانىڭ جەڭىسىمەن اياقتالسا، ەكىنشى ماتچتا وزبەكستان فۋتزالشىلارى 4:6 ەسەبىمەن جەڭدى.

بۇعان دەيىن حابارلانعانداي، قازاقستان قۇراماسى الەم چەمپيوناتى ەليتالىق ىرىكتەۋ ءتۋرنيرىنىڭ سوڭعى ويىنىن سىرت الاڭدا رۋمىنيا كومانداسىمەن وتكىزىپ، قارسىلاسىن 2:0 ەسەبىمەن جەڭدى. ال ودان بۇرىن ەل قۇراماسى رۋمىنيانى ءوز الاڭىندا 4:3، نيدەرلاندتى ەكى رەت 2:0، 2:0، ازەربايجاندى 4:2، 3:2 ەسەبىمەن جەڭگەن بولاتىن.

قازاقستان قۇراماسى التى تۋردان كەيىن 18 ۇپاي جيناپ، تۋرنير كەستەسىندە 1-ورىن الدى. قۇراما كوماندا ءبىر تۋر بۇرىن الەم چەمپيوناتى فينالدىق ساتىسىنا جولداماعا يە بولدى. ال الەمدىك دودا كەلەسى جىلى تاشكەنت قالاسىندا 14 قىركۇيەك پەن 6 قازان ارالىعىندا بولادى.

داستان كەنجالين،

استانا