Fýtzal. Qazaqstan men О́zbekstan joldastyq match ótkizedi

Fýtzaldan Qazaqstan quramasy Tashkent qalasynda О́zbekstan komandasymen eki joldastyq match ótkizedi.

Matchtar kelesi jyldyń 8-10 sáýir aralyǵynda О́zbekstannyń astanasynda bolady.

2021 jyly Astanada Qazaqstan men О́zbekstan quramalary ózara eki joldastyq kezdesý ótkizgen. Alǵashqy oıyn 3:1 esebimen ulttyq quramanyń jeńisimen aıaqtalsa, ekinshi matchta О́zbekstan fýtzalshylary 4:6 esebimen jeńdi.

Buǵan deıin habarlanǵandaı, Qazaqstan quramasy álem chempıonaty elıtalyq irikteý týrnıriniń sońǵy oıynyn syrt alańda Rýmynııa komandasymen ótkizip, qarsylasyn 2:0 esebimen jeńdi. Al odan buryn el quramasy Rýmynııany óz alańynda 4:3, Nıderlandty eki ret 2:0, 2:0, Ázerbaıjandy 4:2, 3:2 esebimen jeńgen bolatyn.

Qazaqstan quramasy alty týrdan keıin 18 upaı jınap, týrnır kestesinde 1-oryn aldy. Qurama komanda bir týr buryn álem chempıonaty fınaldyq satysyna joldamaǵa ıe boldy. Al álemdik doda kelesi jyly Tashkent qalasynda 14 qyrkúıek pen 6 qazan aralyǵynda bolady.

Dastan KENJALIN,

ASTANA