الماتىدا قازاق كۇرەسى كلۋبى اشىلدى

الماتىدا جاستار مەن جاسوسپىرىمدەرگە ارنالعان قازاق كۇرەسى كلۋبى اشىلدى.

قامقورلىق پەن قولداۋ بولعان جەردە سول ءىستىڭ بەرەكەسى بولارى حاق. قازىرگى كەزدە الماتى قالاسىندا قازاق كۇرەسىنە دەگەن كوزقاراس ەرەكشە. سوڭعى جىلدارى قالا بويىنشا ۇلتتىق كۇرەسىمىزگە ارنالعان سپورت كلۋبتارى بىرتىندەپ كوبەيىپ  كەلەدى. سونىڭ بارلىعى قازاق كۇرەسىنە كوسقاراستىڭ جاقسارا تۇسكەنىنىڭ ايعاعى.

بۇگىنگى تاڭدا ءتول سپورتىمىزدىڭ دامۋ قارقىنىن كورە وتىرىپ، كوڭىلدى قۋانىش كەرنەيدى. ءتول كۇرەسىمىزدىڭ توبەلى جەتىستىكتەرگە جەتە تۇسۋىنە ءار وڭىردە اشىلىپ جاتقان سپورت مەكتەپتەرىمەن قوسا سپورت ۇيىرمەلەرىنىڭ قوسىپ كەلە جاتقان ۇلەسى زور.

جۋىردا «الماتى ارەنا» سپورت سارايىنىڭ جانىندا ورىن تەپكەن وليمپيادالىق قالاشىقتا قازاق كۇرەسىنەن جاستار مەن جاسوسپىرىمدەرگە  ارنالعان سپورت كلۋبىنىڭ تۇساۋى كەسىلدى. بۇل سپورت كلۋبىن اشۋعا مۇرىندىق بولعان ۇلتتىق سپورتتىڭ جاناشىرى شالقار الدابەرگەنوۆ: «مەن قازاق بالالارىنىڭ ءوزىمىزدىڭ ۇلتتىق سپورتىمىزدى ۇمىتپاي اينالىسىپ، شىمىر دا شىنىعىپ جۇرگەنىن قالايمىن. ەرتەڭ وسى جاسوسپىرىمدەرىمىز ەل ىرگەسىن قورعايتىن باتىر دا باتىل، دەنساۋلىعى مىقتى ازامات بولىپ وسۋىنە وسى سپورت ۇيرىمەسىنەن بەرەرى كوپ »، — دەدى.

راسىمەن دە سپورت  – دەساۋلىقتىڭ كەپىلى دەسەك، اتا-بابالارىمىز سالىپ كەتكەن سارا جولدان تايماي، ەل قورعايتىن باتىر ۇرپاقتى تاربيلەپ، شىڭداۋ وسىنداي ات توقىمىنداي كىشىگىرم سپورت زالداردان باستالادى.

سونىمەن سپورت كلۋبتىڭ اشىلۋ سالتاناتىنا قازاق كۇرەسى فەدەراتسياسىنىڭ تۇڭعىش پرەزيدەنتى، پروفەسسور، قازاق سپورت جانە تۋريزم اكادەمياسىنىڭ ۇلتتىق سپورت تۇرلەرى كافەدراسىنىڭ مەڭگەرۋشسى ەرعالي مۇحيتدينوۆ، الاتاۋ اۋدانى ارداگەرلەر كەڭسىنىڭ  توراعاسى قۇدايبەرگەن قابدولدين، «نۇر وتان»   پارتياسى  الاتاۋ اۋداندىق فيليالىنىڭ قىزمەتكەرلەرى مەن اۋداننىڭ زيالى قاۋىم وكىلدەرى قاتىستى. راسىمدە  ولار سپورت كلۋبتاردىڭ قازاق كۇرەسىنىڭ دامۋىنا زور ۇلەسىن قوساتىنىن ايتا كەلىپ، جاس بالۋاندارعا اق تىلەكتەرىن  بىلدىرەدى.

ەندى عانا تۇساۋ كەسىلگەن جاس كلۋبتىڭ تابالدىرىعىن اتتاعان ءجاسوسپىرىم بالۋاندار قازاق كۇرەسىنىڭ ايلا-ادىستەرىن بىلگەندەرىنشە كورسەتىپ،  قوشەمەتكە يە بولدى. كورشىلەس جاتقان قىتاي ەلىندە تۇراتىن قانداستارىمىز قازاق كۇرەسىن مەكتەپ باعدارلاماسىنا كىرگىزگەن ەكەن. ءبىز دە قازاق كۇرەسىن ءپان رەتىندە مەكتەپ باعدارلاماسىنا ەنىگىزىپ جاتساق ول ءبىر ۇلتتىق قۇندىلىعىمىزدى جاڭعىرتۋ بولاتىنى ءسوزسىز. ءۇمىت الدا. ول كۇننىڭ دە اۋىلى الىس ەمەس شىعار دەگەن ويدامىز. «ۇيادا نە كورسەڭ ۇشقاندا سونى ىلەسىڭ» –دەمەكشى، بەكزات ونەرىمىزبەن بەلسەنە اينالىسۋعا كەلگەن جاس تۇلەكتەردىڭ ۇلتتىق كۇرەسىمىزگە دەگەن سۇيىسپەنشىلىگى ەرەكشە ەكەندىگىن بايقادىق. قازاقتا «ۇستازى مىقتىنىڭ — ۇستامى مىقتى» دەگەن ءسوز بار. جاس بالۋاندارعا ءوزى بىلگەن تۇيگەنىن ۇيرتەتەتىن باپكەرلەردىڭ دە بىلىكتىلىگى جوعارى بولۋىنىڭ ماڭىزى زور ەكەندىگى ءمالىم. جاستار مەن جاسوسپىرىمدەر اراسىنداعى قازاق كۇرەسى سپورت كلۋبىنىڭ اعا جاتتىقتىرۋشى بولات يبراگيموۆتەن ءتول شاكىرتتەرى تۋرالى پىكىرىن سۇراعانىمىزدا : «وسى جاستاردىڭ اراسىنان قازاق كۇرەسىنەن ازيا، ەۋروپا، الەم چەمپيوناتتارىندا توپ جارىپ، ەلىمىزدىڭ كوك تۋىن جوعارىدان جەلبىرەتەتىن دارىندى بالۋانداردى كورۋ مەن ءۇشىن ۇلكەن باقىت بولار ەدى»، — دەپ اعىنان جارىلدى. ءيا، بولاتتىڭ ارمانى اسقاق. بولاشاققا بيىك ماقسات، مەجە قويماي ءوسۋ، دامۋ بولمايتىنىن جاس باپكەر جاقسى تۇسىنەدى. سوندىقتان دا اللا بەرگەن وسى ءبىر مۇمكىندىكتى بوس جىبەرمەۋگە تىرىساتىنى كوزىنەن كورىنىپ تۇر. قازىر ەلىمىزدە بوتا بالۋاندار اراسىنداعى الامان جەكپە-جەكتەر وتە باستادى. ەرتەڭگى كۇنى وسى قاراكوز ورەندەردىڭ اراسىنان ەل چەمپيوناتىندا جۇلدەگەرلەر شىعىپ  جاتسا، ايتۋلى كلۋبتىڭ باسشىلارى مەن باپكەرلەرىنىڭ توككەن تەر مەن ەڭبەكتەرىنىڭ زايا كەتپەگەنى دەپ بىلەمىز. سوندىقتان دا بۇل سپورت كلۋبى بولاشاققا بەرەكەلى باسپالداق ىسپەتتەس.

اقىن ورداباي ۇلى،

الماتى