پارا ازيا ويىندارىنىڭ ەمبلەماسى مەن ۇرانى تانىستىرىلدى

2026 جىلى جاپونيانىڭ ناگويا قالاسىندا وتەتىن پارا ازيا ويىندارىنىڭ سيمۆولى بەلگىلى بولدى.

ەمبلەما مەن ۇراندى تانىستىرۋ راسىمىنە ازيا پاراليمپيادا كوميتەتىنىڭ پرەزيدەنتى مادجيد راشەد مەن ۇيىمداستىرۋ كوميتەتىنىڭ باسشىسى حيدەاكي ومۋرا قاتىستى. ولار تۇساۋكەسەر راسىمدە پارا ازيا ويىندارىنىڭ سيمۆولى مەن ۇرانى مىڭداعان ادامدار مەن پاراسپورتشىلاردىڭ بىرلىگىن، ولاردىڭ ءبىر ماقسات توڭىرەگىندە توپتاسقانىن جانە جارقىن بولاشاققا تالپىنىسپەن بىرگە ءومىر سۇرۋگە دەگەن تالپىنىسىنىڭ ۇيلەسىمدىلىگىن ايقىن كورسەتكەنىن اتاپ ءوتتى.

پارا ازيا ۇراننىڭ اتى «ءبىر جۇرەكتى ەلەستەتۋ» دەپ اتالادى.

ەسكە سالساق، 2026 جىلدىڭ 18-24 قازانى ارالىعىندا جاپونيادا وتەتىن پارا ازيا ويىندارىنا 18 سپورت تۇرىنەن 45 ەلدەن 4 مىڭعا جۋىق سپورتشى قاتىسادى دەپ جوسپارلانىپ وتىر.

داستان كەنجالين،

استانا