Rızabek Aıtmuhan «Jyl úzdigi» atandy

Erkin kúresten tuńǵysh álem chempıony Rızabek Aıtmuhan ASSYLTAS qoǵamdyq qorynyń uıymdastyrýmen ótken «Jyl úzdigi» konkýrsynda jeńimpaz ataǵyn jeńip aldy. Ol  ASSYLTAS stıpendııasynyń ıegeri atanyp,  1,5mıllıon teńge aqshalaı syıaqymen marapattaldy.

Bul stıpendııany eki jyl qatarynan balýandar alyp otyr. Byltyr áıelder kúresiniń balýany Jamıla Baqbergenova alǵan bolatyn.

Rızabek Aıtmuhanǵa kelsek, ol jaqynda 2023 jyldyń qorytyndysy boıynsha «Úzdik» atty sportshylardy saltanatty marapattaý is-sharasynda «Sporttaǵy úzdik serpin» atalymyn jeńip aldy. Odan bólek, ol Qazaqstan kúres federaııasy jyldy qorytyndylaý konferenııasynda OLIMPBET býkmekerlik keńsesiniń ókili bıylǵy álem chempıonatynda ǵajap qaısarlyq tanytyp, otandyq kúrestiń tarıhyn qaıta jazǵan asa daryndy balýanǵa páter syılady. Onyń aldynda Almatyda belgili kásipker Erlan Qojasbaı tuńǵysh ret qazaq balýandary arasynda erkin kúresten álem chempıony atanǵan Rızabek Aıtmuhandy jeńisimen quttyqtap, Zeekr avtokóligin syıǵa tartty.

Eske salsaq, Rızabek Aıtmuhan Serbııanyń astanasy – Belgrad qalasynda kúres túrlerinen ótken álem chempıonatynda tuńǵysh ret bas júldeni jeńip aldy. Árıne, qazaqta kúresten halyqaralyq arenada moıyndalǵan, qurmet tuǵyrynyń eń bıik satysyna kóterilgen talaı balýandar bolǵan. Solardyń biri dep aty ańyzǵa aınalǵan Qajymuqan Munaıtpasulyn aıtsaq bolady. Degenmen KSRO kezinde de odan keıingi elimiz táýelsizdiginiń aq tańy aǵaryp atqan kezden beri de kúrestiń osy túrinen álem chempıony ataǵyn jeńip alǵan balýan bolǵan emes.

Rızabek Aıtmuhan Soltústik Qazaqstan oblysy, Ýálıhanov aýdanynyń týmasy. Kishkenekól degen aýylda týǵan. Bul aýyldyń burynǵy aty — Qyzyl tý. Osy aýdannan Ahmetjan Qazymbetov degen ataqty balýan, memleketshil qaıratker shyqqan. Ol Alashtyń birtýar tulǵalary Maǵjan Jumabaev pen Smaǵul Sádýaqasov shyqqan.

Balýannyń alǵashqy jattyqtyrýshysy onyń ákesi — Qanat Joldasbaı. Qazirgi jattyqtyrýshysy — Erkebulan Keshýbaev. Rızabek erkin kúresten ulttyq qurama komandanyń bas jattyqtyrýshy Madııar Quramysovtyń, aǵa jattyqtyrýshy Samat Jaqypovtyń qol astynda jattyǵady.

Olardan basqa ulttyq quramada Edýard Bazrov, Darhan Bekenov, Álıhan  degen jattyqtyrýshylar da bar. Olardyń bári bir komanda. Bári talapshyl, bilikti mamandar. Bir maqsatta jumys isteıdi.

Rızabek Astanadaǵy Qajymuqan Munaıtpasov atyndaǵy Olımpıada rezerviniń respýblıkalyq mamandandyrylǵan mektep-ınternat-kolledji men Almatydaǵy «Shańyraq» shaǵyn aýdanyndaǵy Olımpıada rezerviniń respýblıkalyq mamandandyrylǵan mektep-ınternat-kolledjiniń túlegi.

Dastan KENJALIN,

ASTANA