رىباكينانىڭ قارسىلاسى ويىننان باس تارتتى (ۆيدەو)

تەننيستەن اۋستراليانىڭ بريسبەن قالاسىندا ءوتىپ جاتقان WTA 500 تۋرنيرىندە ەلەنا رىباكينا جارتىلاي فينالىنا شىقتى. ول شيرەك فينالدا دۇنيەجۇزىلىك رەيتينگتە 28-ورىندا تۇرعان رەسەيلىك اناستاسيا پوتاپوۆامەن كەزدەسىپ، ءبىرىنشى پارتيانىڭ ويىنى بولىپ جاتقاندا قارسىلاسىنىڭ جاراقات الۋىنا بايلانىستى ½ فينالعا جولداما الدى.

وسىعان دەيىن تەننيسشىلەر ءبىر رەت كەزدەسىپ، وندا رەسەيلىك سپورتشى جەڭگەن ەكەن.

بۇل جولى ءبىرىنشى پارتيادا ەسەپ 2:1 بولعان كەزدە رىباكينا برەيك جاساپ، سودان كەيىن ەسەپ 4:1 بولعاندا، پوتاپوۆا مەديتسينالىق كومەككە جۇگىندى. بۇدان كەيىن قازاقستان تەننيسشىسى تاعى ءبىر برەيك جاساپ، تابلوداعى ەسەپ 6:1-ءدى كورسەتكەندە رەسەيلىك سپورتشى ويىندى جالعاستىرۋدان باس تارتتى.

ماتچ جارتى ساعات قانا بولدى. وسى ۋاقىتتا رىباكينا 2 ەيس جاساپ، 3 برەيك-پوينتتىڭ ەكەۋىن پايدالانىپ ۇلگەردى.

ەندى ەلەنا رىباكينا فينالعا شىعۋ ءۇشىن الەمنىڭ 40-راكەتكاسى، چەحيالىق ليندا نوسكوۆامەن نەمەسە رەيتينگتە 58-ساتىدا تۇرعان 16 جاستاعى رەسەيلىك ميررا اندرەەۆامەن كەزدەسەدى.

تاعى ءبىر رەت ەسكە سالساق، ءتۋرنيردىڭ جالپى جۇلدە قورى — 1 736 763 دوللار. بۇل اقشانى ارينە، جەڭىمپاز بەن جۇلدەگەرلەر ءوزارا ءبولىپ الادى.

داستان كەنجالين،

استانا