ءتورت دۇركىن الەم چەمپيونى ماريو زاگاللو ومىردەن ءوتتى

فۋتبولدان برازيليا قۇراما كومانداسىنىڭ قۇرامىندا الەم چەمپيوناتتارىن ءتورت رەت جەڭىپ العان ماريو زاگاللو قايتىس بولدى. ول 92 جاسقا كەلىپ ومىردەن ءوتتى.

ماريو زاگاللو الەم چەمپيونى اتاعىن ەكى رەت فۋتبولشى رەتىندە، ءبىر رەت ۇلتتىق قۇرامانىڭ باس جاتتىقتىرۋشىسى جانە ءبىر رەت باس جاتتىقتىرۋشىنىڭ كومەكشىسى رەتىندە جەڭىپ العان ەدى.

زاگاللو 1931 جىلى دۇنيەگە كەلگەن. ول برازيليانىڭ «امەريكا»، «فلامەنگو» مەن «بوتافاگو» كلۋبتارىندا ويناعان. 1958 جانە 1962 جىلدارى الەم چەمپيونى اتانعان. ۇلتتىق قۇراما ساپىندا 36 ماتچ ويناپ، 34 جاسىندا مانسابىن اياقتاعان. سودان كەيىن برازيليا كومانداسىنىڭ باس جاتتىقتىرۋشىسى بولىپ، 1970 جىلى مەكسيكادا وتكەن الەم چەمپيوناتىن جەڭىپ العان. سول كەزدە ول تاريحتا العاش رەت فۋتبولشى جانە جاتتىقتىرۋشى رەتىندە الەمدىڭ دودانىنىڭ جەڭىمپازى اتانعان.

زاگاللو پەلە، گاررينچا، ديدي، ۆاۆامەن جانە باسقا دا برازيليانىڭ اتاقتى فۋتبولشىلارىمەن بىرگە ويناعان.

1991 جىلى ۇلتتىق قۇرامانىڭ ۇيلەستىرۋشىسى مەن باس جاتتىقتىرۋشى كارلوس البەرتو پاررەيرانىڭ اسسيستەنتى بولعان. 1994 جىلى زاگاللو قۇراما كوماندامەن بىرگە اقش-تا وتكەن الەم چەمپيوناتىن جەڭىپ العان.

ءوز تىلشىمىزدەن