Tórt dúrkin álem chempıony Marıo Zagallo ómirden ótti

Fýtboldan Brazılııa qurama komandasynyń quramynda álem chempıonattaryn tórt ret jeńip alǵan Marıo Zagallo qaıtys boldy. Ol 92 jasqa kelip ómirden ótti.

Marıo Zagallo álem chempıony ataǵyn eki ret fýtbolshy retinde, bir ret ulttyq quramanyń bas jattyqtyrýshysy jáne bir ret bas jattyqtyrýshynyń kómekshisi retinde jeńip alǵan edi.

Zagallo 1931 jyly dúnıege kelgen. Ol Brazılııanyń «Amerıka», «Flamengo» men «botafago» klýbtarynda oınaǵan. 1958 jáne 1962 jyldary álem chempıony atanǵan. Ulttyq qurama sapynda 36 match oınap, 34 jasynda mansabyn aıaqtaǵan. Sodan keıin Brazılııa komandasynyń bas jattyqtyrýshysy bolyp, 1970 jyly Meksıkada ótken álem chempıonatyn jeńip alǵan. Sol kezde ol tarıhta alǵash ret fýtbolshy jáne jattyqtyrýshy retinde álemdiń dodanynyń jeńimpazy atanǵan.

Zagallo Pele, Garrıncha, Dıdı, Vavamen jáne basqa da Brazılııanyń ataqty fýtbolshylarymen birge oınaǵan.

1991 jyly ulttyq quramanyń úılestirýshisi men bas jattyqtyrýshy Karlos Alberto Parreıranyń assıstenti bolǵan. 1994 jyly Zagallo qurama komandamen birge AQSh-ta ótken álem chempıonatyn jeńip alǵan.

О́z tilshimizden