استانادا كۇرەستەن قازاقستان چەمپيونى انىقتالادى

جاقىن ارادا بالۋاندار استانادا ەرەسەكتەر اراسىندا گرەك-ريم، ايەلدەر جانە ەركىن كۇرەسىنەن وتەتىن قازاقستان چەمپيوناتىنا قاتىسادى. ەل چەمپيوناتى 1-5 اقپان ارالىعىندا جاقسىلىق ۇشكەمپىروۆ اتىنداعى جەكپە-جەك سپورت سارايىندا بولادى، دەپ حابارلادى قازاقستان كۇرەس تۇرلەرى فەدەراتسياسى.

گرەك-ريم، ەركىن كۇرەس جانە ايەلدەر كۇرەسى فەدەراتسياسىنىڭ حابارلاۋىنشا، 1 اقپاندا  گرەك-ريم كۇرەسىنىڭ بالۋاندارى 55، 63، 72، 82، 97 كەلىدە، 2 اقپاندا 60، 67، 77، 87 جانە 130 كەلى سالماقتا كۇش بوزكىلەمگە شىعادى.

3 اقپاندا ايەلدەر كۇرەسىنەن 50، 53، 55، 57، 59، 62، 65، 68، 72 جانە 76 كەلى سالماق دارەجەسىندە جارىس باستالادى.

4 اقپاندا ەركىن كۇرەستىڭ وكىلدەرى 57، 65، 74، 86، 92 كەلى، 5 اقپاندا 61،70،79،97 جانە 125 كەلى سالماقتا كۇش سىناسادى.

جارىستىڭ اشىلۋ سالتاناتى 1 اقپاندا استانا ۋاقىتىمەن ساعات 17:30-دا بولادى. بەلدەسۋلەر كۇن سايىن 10:30-دا، III جانە I ورىندار ءۇشىن فينالدىق بەلدەسۇلەر كۇن سايىن ساعات 18: 00-دەن باستاپ باستالادى.