Sportshylar Olımpıadaǵa Astanadan attanady

15 qańtarda Astanadaǵy Jaqsylyq Úshkempirov atyndaǵy Jekpe-jek saraıynda IV qysqy jastar Olımpıadasyna qatysatyn sportshylardy saltanatty shyǵaryp salý rásimi ótedi.

Saltanatty rásimde short-trekshi Erasyl Shyńǵyshan men konkımen júgirý sportynyń ókili Krıstına Shýmekovaǵa elimizdiń memlekettik týy tapsyrylyp, sportshylar ant beredi. Olar elimizdiń kók baıraǵyn Olımpıadanyń ashylý saltanatynda «Memleketter sherýi» kezinde ustap shyǵady.

Sportshylar jarystardaǵy úzdik nátıjeleri úshin ǵana emes, halyqaralyq arenadaǵy jeńiske degen jigeri úshin tańdaldy.

Krıstına Shýmakovanyń jasy 18-de. Ol – konkımen júgirý sportynan Qazaqstan Respýblıkasynyń sport sheberi, óziniń jas sanatyndaǵy Qazaqstan chempıony, 2023 jylǵy Álem Kýbogynyń kúmis júldegeri.

Erasyl Shyńǵyshannyń jasy 17-de. Ol – short-trekten sport sheberine kandıdat, óziniń jas sanatyndaǵy Qazaqstan chempıony. Sonymen birge «Azııa balalary» 2023 halyqaralyq jarysynyń kúmis júldesin jeńip alǵan.

Jıynǵa týrızm jáne sport mınıstri, Ulttyq Olımpıada komıtetiniń basshylary, sport ardagerleri men Olımpııalyq oıyndardyń júldegerleri qatysady.

IV qysqy jastar Olımpıadasy 19 qańtardan 1 aqpanǵa deıin Ońtústik Koreıanyń Kanvon provınııasynda bolady. Azııa qurlyǵynda alǵash ret uıymdastyrylyp jatqan jasóspirimderdiń qysqy Olımpıadasyna álemniń 50 elinen 1 800 sportshy qatysady dep josparlanǵan. 7 sport túrinen (15 baǵdarlama) 81 medal jıyntyǵy sarapqa salynady. Qazaqstan quramasynyń 42 sportshysy 5 sport túri boıynsha baq synaıdy.

Dastan KENJALIN,

ASTANA