SportPress.kz قازاقستان سپورت جاڭالىقتارى
ارداقتى، الاش جۇرتى، قىمباتتى، قازاق ەلى، تəڭىرگە مىڭ تəۋبا، بۇگىندە جاسقانباي جار سالىپ قۋانار، سۇرىنبەي سۇيىنشىلەپ ايعايلاپ ايتار جاڭالىقتار كۇن سايىن كوبەيۋدە.
سونىڭ ءبىرى دە، بىرەگەيى — الماتى قالاسىندا جاڭا دارىن، جاسوسپىرىمدەردى دايىندايتىن قاراكوز بالالارىمىزدان جاساقتالعان «الاش» فۋتبول كلۋبى قۇرىلدى. بۇل يدەيانىڭ جۇزەگە اسۋىندا، العا قادام باسۋىنا تىكەلەي ۇيىتقى بولعان رەسپۋبليكالىق سپورت كوللەدجىنىڭ ديرەكتورى، حالقىمىزدىڭ قايراتكەر ۇلى، ەل اعاسى امالبەك قوزىباق ۇلى تشانوۆ ەكەنىن ماقتانىشپەن ايتامىز.
«الاش» فۋتبول كلۋبىنىڭ نەگىزگى ماقساتى — ۇلتىمىزدان شىققان جاس دارىندارعا قولداۋ بىلدىرە وتىرىپ، قازاق فۋتبولىنىڭ əلەمدىك سپورتتا وزىندىك قولتاڭباسىن قالدىرىپ، ميلليونداردى ارباعان اياقدوپتىڭ دامۋىنا تىڭ سەرپىن، سۇبەلى ۇلەس قوسۋ. اتى اڭىزعا اينالعان «قايرات» پەن باسقا دا ايتۋلى كوماندالارىمىزعا جانكۇيەرمىز، əرينە. دەگەنمەن، ولاردىڭ ءبəرى كەڭەستىك سپورت مەكتەپتەرىنىڭ وكىلدەرى. ال «الاش» تəۋەلسىز قازاق ەلىنىڭ تۋىن كوتەرەتىن تىڭ تاريحتان باستاۋ الاتىن ۇلتىق كوماندا. ەندەشە،جاقسى ىسكە جارشى، جاڭالىققا جارىسا جارناماشى بولايىق اعايىن!
تاعى دا باسا ايتا كەتەتىن مəسەلە — ەگەر دە ەلىمىزدىڭ تۇپكىر-تۇپكىرىنەن كەلىپ، اتالعان كلۋبتا ويناعىسى كەلەتىن دارىندى جاستار بولسا، «الاش» كلۋبىنىڭ ەسىگى əرقاشان دا ايقارا اشىق!
قۋانىش نۇردانبەك،
الماتى
