Almatyda «Alash» fýtbol klýby quryldy

Ardaqty, Alash jurty, qymbatty, Qazaq Eli, təńirge myń təýba, búginde jasqanbaı jar salyp qýanar, súrinbeı súıinshilep aıǵaılap aıtar jańalyqtar kún saıyn kóbeıýde.

Sonyń biri de, biregeıi — Almaty qalasynda jańa daryn, jasóspirimderdi daıyndaıtyn qarakóz balalarymyzdan jasaqtalǵan «Alash» fýtbol klýby quryldy. Bul ıdeıanyń júzege asýynda, alǵa qadam basýyna tikeleı uıytqy bolǵan Respýblıkalyq Sport kolledjiniń dırektory, halqymyzdyń qaıratker uly, el aǵasy Amalbek Qozybaquly Tshanov ekenin maqtanyshpen aıtamyz.

«Alash» fýtbol klýbynyń negizgi maqsaty — ultymyzdan shyqqan jas daryndarǵa qoldaý bildire otyryp, qazaq fýtbolynyń əlemdik sportta ózindik qoltańbasyn qaldyryp, mıllıondardy arbaǵan aıaqdoptyń damýyna tyń serpin, súbeli úles qosý. Aty ańyzǵa aınalǵan «Qaırat» pen basqa da aıtýly komandalarymyzǵa jankúıermiz, ərıne. Degenmen, olardyń bəri keńestik sport mektepteriniń ókilderi. Al «Alash» təýelsiz qazaq eliniń týyn kóteretin tyń tarıhtan bastaý alatyn ultyq komanda. Endeshe,jaqsy iske jarshy, jańalyqqa jarysa jarnamashy bolaıyq aǵaıyn!

Taǵy da basa aıta ketetin məsele — eger de elimizdiń túpkir-túpkirinen kelip, atalǵan klýbta oınaǵysy keletin daryndy jastar bolsa, «Alash» klýbynyń esigi ərqashan da aıqara ashyq!

Qýanysh NURDANBEK,

ALMATY