Australian Open: Рыбакина «Үлкен дулыға» турнирін жеңіспен бастады

Теннисші Елена Рыбакина Аустралия ашық чемпионатындағы бірінші ойынын жеңіп, екінші айналымына шықты. Ол кезінде әлемдік рейтингіде көш бастаған теннисші 31 жастағы тәжірибелі Каролина Плишковамен ойнап, оны 7:6 (8:6), 6:4 есебімен жеңді.

Мачта чех теннисшісі бірінші партияда брейк жасап, 2:0 есебімен алға шыққанымен, Рыбакина таразы басын теңестіре алды.

Тай-брейкте де чехиялық спортшы 6:3 есебімен алға шығып, төрт бірдей сетболын пайдалана алмады. Рыбакина қатарынан бес допты тиімді пайдаланып, 7:6 (8:6) есебімен басым түсті.

Екінші сетте есеп 1:1 болған кезде Рыбакина брейкпен алға шықты. Одан кейін Қазақстан теннисшісі еш мүмкіндікті жіберген жоқ. Қорытынды есеп 6:4 болды.

Енді Елена Рыбакина екінші айналымда әлемнің 57-ракеткасы, ресейлік Анна Блинковамен кездеседі.

Рыбакина алғашқы айналымда-ақ өте мықты қарсыласын жеңді. Бүгінгі жеңіс жанкүйерлерге үлкен сенім сыйлады.

Халықаралық теннис сарапшылары Рыбакинаны биылғы Australian Open жарысының фавориттерінің бірі санайды.

Дастан КЕНЖАЛИН,

АСТАНА