SportPress.kz Qazaqstan sport jańalyqtary
Týrızm jáne sport mınıstri Ermek Marjyqpaev basketbol federaııasynyń basshylarymen jáne jattyqtyrýshylar shtabymen kezdesti. Jıynda federaııa ókilderi basketboldan ulttyq quramalardyń byltyrǵy jylǵy nátıjelerin qorytyndylap, aldaǵy básekelerge daıyndyq jospary tanystyryldy, dep habarlady vedomstvo.
Basketboldan Qazaqstan quramasy byltyr Qytaıdaǵy Azııa oıyndarynda jankúıerlerdiń senimin aqtaı almaı, úzdikter qatarynan kórine almady. Sonymen qatar erler arasyndaǵy 5h5 quramasy Parıj Olımpıadasyna joldama beretin irikteý jarystarynda sátsiz oınap, joldamadan qaǵyldy. Al 3h3 basketboly boıynsha áli bir irikteý jarysy bar. Bıylǵa josparlanǵan olımpıadalyq irikteý básekesinde top jarǵan komanda ǵana lızenııaǵa ıelik etedi.
Basketbol – álemdegi eń tanymal sport túriniń biri. Búginde elimizde 400 myńnan asa adam sporttyń osy túrimen shuǵyldanady. 16 oblystaǵy balalar men jasóspirimder sport mektebinde 156 bólimshe jumys isteıdi. Statıstıka boıynsha jyl saıyn basketbolmen aınalysatyndardyń sany artyp jatqanymen, ulttyq qurmanyń nátıjesi tómendep barady. Táýelsizdik jyldaryndaǵy Azııa chempıonattarynyń nátıjesine kóz júgirter bolsaq, 5h5 basketboldan áıelder quramasy eshqashan úzdik bes komandanyń qataryna enbegen. Erler arasyndaǵy 5h5 basketboldan Qazaqstan quramasy birde-bir ret álem chempıonatyna qatysa almady. Azııa chempıonattaryndaǵy eń úzdik nátıje – tórtinshi oryn. Onyń ózi 2007 jylǵy kórsetkish. Ulttyq quramanyń ortasha jasy – 33, — dedi Ermek Marjyqpaev.
Jıynda mınıstr basketbol federaııasynyń basshylyǵyna ulttyq quramalardyń jattyqtyrýshylaryn qysqa merzimde bekitýdi, halyqaralyq uıymdardaǵy ókildikti kóbeıtý jáne halyqaralyq deńgeıdegi sport tóreshilerin daıarlaý jónindegi jumysty jandandyrýdy tapsyrdy. Sondaı-aq, ulttyq qurama oıynshylarynyń ortasha jasyn azaıtyp, sportshylardy daıarlaýda jańa ádistemelik tásilderdi engizý múmkindigin qarastyrý qajet ekenin mindettedi.
