حوككەيدەن ءاچ: قازاقستاننىڭ قىزدار قۇراماسى العاشقى جەڭىسىنە جەتتى

نيدەرلاند كورولدىگىنىڭ حەرەنۆەن قالاسىندا حوككەيدەن 18 جاسقا دەيىنگى قىزدار اراسىندا ءوتىپ جاتقان الەم چەمپيوناتىنىڭ ءىى ديۆيزيونىندا قازاقستان قۇراما كومانداسى العاشقى جەڭىسىنە جەتتى.

قازاقستان قۇراماسى ا توبىندا تۇركيا كومانداسىنىڭ قاقپاسىنا جاۋاپسىز 6 شايبا سالىپ، العاشقى ۇپايىن الدى. وسىنىڭ ارقاسىندا ەلىمىزدىڭ حوككەيشىلەرى توپتان شىعۋ مۇمكىندىگىنە يە بولدى.

ءبىرىنشى تۋردا قازاقستان ۇلىبريتانيا قۇراماسىمەن كەزدەسىپ، 0:4 ەسەبىمەن جەڭىلگەن بولاتىن.

جالپى ءىى ديۆيزيوندا قازاقستان، قىتاي، لاتۆيا، نيدەرلاند، ۇلىبريتانيا مەن تۇركيا كوماندالارى قاتىسىپ جاتىر.

قازاقستان ەندى 18 قاڭتاردا لاتۆيامەن، سوسىن قىتاي مەن نيدەرلاندمەن وينايدى. بۇل قۇرامالارمەن ويىن 21 قاڭتاردا، ءبىر كۇندە بولادى.

داستان كەنجالين،

استانا