Hokkeıden ÁCh: Qazaqstannyń qyzdar quramasy alǵashqy jeńisine jetti

Nıderland Koroldiginiń Herenven qalasynda hokkeıden 18 jasqa deıingi qyzdar arasynda ótip jatqan álem chempıonatynyń II dıvızıonynda Qazaqstan qurama komandasy alǵashqy jeńisine jetti.

Qazaqstan quramasy A tobynda Túrkııa komandasynyń qaqpasyna jaýapsyz 6 shaıba salyp, alǵashqy upaıyn aldy. Osynyń arqasynda elimizdiń hokkeıshileri toptan shyǵý múmkindigine ıe boldy.

Birinshi týrda Qazaqstan Ulybrıtanııa quramasymen kezdesip, 0:4 esebimen jeńilgen bolatyn.

Jalpy II dıvızıonda Qazaqstan, Qytaı, Latvııa, Nıderland, Ulybrıtanııa men Túrkııa komandalary qatysyp jatyr.

Qazaqstan endi 18 qańtarda Latvııamen, sosyn Qytaı men Nıderlandmen oınaıdy. Bul quramalarmen oıyn 21 qańtarda, bir kúnde bolady.

Dastan KENJALIN,

ASTANA