نىسانا كوزدەۋدەن قازاقستان كومانداسى وليمپياداعا بەس جولداما الدى

قازاقستان ۇلتتىق قۇراما كومانداسىنىڭ مەرگەندەرى يندونەزيانىڭ استاناسى – جاكارتا قالاسىندا ءوتىپ جاتقان ازيا چەمپيوناتىنىڭ سوڭعى كۇنى تاعى 3 كۇمىس جۇلدەنى جەڭىپ الدى، دەپ حابارلادى ۋريزم جانە سپورت مينيسترلىگى سپورتتى دامىتۋ ديرەكتسياسى.

ارالاس قارقىندا قوزعالاتىن جىلجىمالى نىسانا كوزدەۋدە (10 مەتر) فاتيما يرنازاروۆا كۇمىس جۇلدەگەر اتاندى. ول جارىستا 361 ۇپاي جيناپ، تەك قاتار سپورتشىسىنا ەسە جىبەردى.

ال ەرلەر اراسىندا اسادبەك نازيركۋلەۆ تا كۇمىس جۇلدەنى يەلەندى. ول 377 ۇپاي جيناپ، ءوزىنىڭ جەكە رەكوردىن تىركەدى.

كوماندالىق سىندا اندرەي حۋدياكوۆ، يليا زوتەەۆ پەن اسادبەك نازيركۋلەۆ ۇشتىگى كۇمىس مەدالدى جەڭىپ الدى. باس جۇلدە يندونەزيا قۇراماسىنا بۇيىردى.

وسىمەن نىسانا كوزدەۋدەن سارى قۇرلىق چەمپيوناتى مəرەسىنە جەتتى. مۇندا الەكساندرا لە (ۆينتوۆكا) مەن نيكيتا چيريۋكين (تاپانشا) قازاقستان قۇراماسىنا پاريج وليمپياداسىنىڭ ليتسەنزياسىن الىپ بەردى.

قازىر مەرگەندەر ەنشىسىندە بەس جولداما بار. ۇلتتىق قۇراما ازيا چەمپيوناتىنان 4 التىن، 5 كۇمىس، 5 قولا جۇلدەگە يە بولدى.