Boksshylar Ishtvan Bochkaı týrnırinde bes altyn júlde aldy

О́tken aptada Qazaqstan sportshylary Koreıanyń Kanvon provınııasynda bastalǵan jasóspirimder Olımpıadasynan bólek, alty halyqaralyq týrnırge qatysyp, bárinde júldele oryndardy ıelenip qaıtty, dep habarlady Týrızm jáne sport mınıstrligi.

Majarstannyń Debreen qalasynda bokstan Ishtvan Bochkaı atyndaǵy memorıal aıaqtalyp, bylǵary qolǵap sheberler bes altyn medal jeńip aldy. Bul synda Ashat Júsipov (48 kg), Asyljan Serikbaı (57 kg), Beıbarys Jeksen (60 kg), Ertýǵan Zeınýllınov (63,5 kg) men Erasyl Jaqpekov (80 kg) jeńimpaz atansa, Danııal Sábıt (51 kg), Kenje Muratuly (54 kg), Sabyrjan Aqqalyqov (71 kg) pen Temirlan Muqataev (86 k) kúmis júldege ıe boldy.

Kýveıtte ótken stend atýdan Azııa chempıonatynda Qazaqstan sportshylary jeti medal jeńip aldy. Trap baǵdarlamasynyń juptyq synynda Álisher Aısalbaev pen Marııa Dmıtrenko top jarsa, dál osy baǵdarlamanyń jastar básekesinde el quramasy úzdik shyqty. Sonymen qatar skıt baǵdarlamasynda Qazaqstan jastar quramasy Azııa chempıony atandy. Al jekeleı synda Ilıa Penkov, Marııa Dmıtrıenko, trap jáne skıt baǵdarlamasynyń komandalyq saıysynda elimizdiń áıelder quramasy qola júldege ıe boldy.

AQSh-tyń Iýta shtatyndaǵy Solt-Leık-Sıtı qalasynda ótken konkımen júgirýden tórt qurlyq chempıonatynda komandalyq sprıntte elimizdiń erler quramasy kúmis júldeger atandy. Altaı Járdembekuly, Evgenıı Koshkın, Nıkıta Vajenın men Artýr Galıev (rezervte) kvarteti tek Kanada quramasynan qalyp qoıdy. Úzdik úshtikti Ońtústik Koreıa konkıshileri túıindedi.

Kırıll Gerasımenko AQSh-ta ústel tennısinen ótken WTT Feeder Corpus Christi 2024 halyqaralyq týrnıriniń jeńimpazy atandy. Ulttyq qurama úzdigi jarys barysynda tórt birdeı qarsylasynan basym tústi. Atap aıtqanda, Kırıll Gerasımenko amerıkalyq Kaı Chjandy 3:1, úndistandyq Harmıt Desaıdy 3:1, germanııalyq Shteffen Mengeldi 3:1, portýgalııalyq Joao Monteırýdi 3:2 esebimen utyp, altyn medal jeńip aldy.

Taılandta ótken maýntınbaıktan halyqaralyq Thailand Cup týrnırinde el quramasynyń ókili Alına Sarkýlova úzdik nátıje kórsetip, jarys júldegerleriniń qatarynan kórindi. Jarys máresine úshinshi bolyp jetken otandasymyz týrnırdiń qola júldegeri atandy.

Franııanyń Nıa qalasynda ótken kúres túrlerinen Henri Deglane (Anrı Deglan) gran-prı jarysynda elimizdiń úsh balýany júldegerler qatarynan kórindi. Atap aıtqanda, Ábdimanap Baıgenjeev (92 kg) fınalda jeńilip, ekinshi orynǵa taban tirese, Rıfat Saıbotalov (70 kg) pen Erhan Beksultanov (79 keli) qola júldeni ıelendi.