Kanvon – 2024: Olımpıadada hokkeıshiler qola júldege talasady

Búgin Kanvon qalasynda ótip jatqan qysqy sport túrlerinen IV jasóspirimder Olımpıadasynyń besinshi jarys kúni ulttyq quramanyń sportshylary tórt baǵdarlamada medal úshin synǵa tústi, dep habarlady Týrızm jáne sport mınıstrligi Sportty damytý dırekııasy.

Bıatlonnan aralas komandalyq estafetada (4×6 km) Qazaqstan namysyn Álema Qarabaeva, Evelına Mezeneva, Kırıll Zotov pen Anton Redkın qorǵap, 11-satyǵa taban tiredi. Jarysty Álema sórede 26 quramanyń ishinde 8-nomermen bastady. Márege Italııa quramasy birinshi bolyp kelse, Franııa kúmis júlde aldy. Al Chehııa úshinshi oryndy qanaǵat tutty.

Osymen bul sporttan jarys aıaqtaldy. Ulttyq quramanyń bıatlonshylary osymen ekinshi oıynnan júldesiz qaıtty. Alǵashqy Olımpıadada (2012 jyly) Galına Vıshnevskaıa-Sheporenko kúmis jáne qola medal alsa, araǵa 4 jyl salyp, Lıllehammerde Arına Pantova qola medal jeńip alǵan.

Bıatlon – qazaq atletteri qysqy jasóspirimder Olımpıadasynda eń kóp júlde alǵan sport sanalady.

Al short-trekten aralas komandalyq estafetada ulttyq quramanyń joly bolmady. Jartylaı fınaldaǵy jarysta Erasyl Shyńǵyshan qulap qalyp, komanda jarystan shyǵyp qaldy. Fınalda Qytaı sportshylary top jarsa, kúmis júlde AQSh-qa, qola medal Japonııaǵa buıyrdy.

Qazaqstan short-trekten tolyq quram (2 ul, 2 qyz) qosqan 9 komandanyń biri boldy. Danabek Haırov jattyqtyratyn sportshylar Kanvonda bir qola júldege ıe boldy (Polına Omelchýk, 1000 metr).

Taý shańǵysynan gıgant slalom jattyǵýynda otandasymyz Rostıslav Hohlov jalpy esepte 33-oryn aldy. Munda barlyǵy 79 ul baq synady. Altyn Nesh Hýot-Marchandtyń (Franııa) ýysynda ketse, Zak Kerrık-Smıt (Ulybrıtanııa) kúmis, al qola medal Florıan Nıýmaıerge (Aýstrııa) buıyrdy. Erteń uldar men qyzdar slalom túrinen jarysqa shyǵady.

Hokkeıden (3×3) ulttyq qurama jartylaı fınalda Latvııaǵa ese jiberip, fınalǵa joldama ala almady. Esep – 5:19).

Endi Qazaqstan komandasy Danııaǵa ese jibergen Aýstrııamen qola júldeni sarapqa salady. Oıyn erteń Astana ýaqytymen tańǵy 9:00-de bastalady.

Qazir Qazaqstan sportshylary 1 altyn, 1 qola medalmen jalpy esepte Chehııamen bir qatarda 15-satyda tur. Kósh basynda turǵan Italııanyń 9 altyn, 2 kúmis, 2 qolasy bar. Odan keıin 6 altyn medalmen Franııa jáne Germanııa qatar kele jatyr.

Eske sala keteıik, IV qysqy jasóspirimder Olımpıadasyn Olympics.com Youtube arnasynan kóre alasyzdar.