Aýdarma salasyndaǵy ózekti másele qandaı?

«Qytaı tarıhyndaǵy ǵylym ónertabystary»  kitabynyń tusaýy kesildi.

Almatydaǵy QR Ulttyq kitaphanasynyń N.Dáýletova atyndaǵy zalynda «Qytaı ádebıetin qazaq tiline aýdarý ereksheligi» atty dóńgelek ústel ótti.

QR Ulttyq kitaphanasy, Mádenıet jáne aqparat mınıstrligi, Halyqaralyq «Shans» kompanııasy, «Shyǵys ádebıeti» baspa kompanııasy uıymdastyrǵan dóńgelek ústel barysynda aýdarma salasynyń ózekti máseleleri keńinen talqylandy. Qytaı mádenıeti men ádebıeti zalynyń qurylǵanyna 20 jyl tolýyna oraı ótken shara aıasynda  «Shyǵys ádebıeti» baspa kompanııasynyń jańa kitaptaryn syıǵa tartý rásimi jáne QRUlttyq kitaphanasynyń kitaphanashysy Qadaı Kamııa qytaı tilinen qazaq tiline aýdarǵan 1953 jyly QHR-da basylyp shyqqan «Qytaı tarıhyndaǵy ǵylym ónertabystary» kitabynyń tusaýkeseri ótkizildi.

QR Ulttyq kitaphanasynyń dırektory  B.Q.Ospanova quttyqtaý sóz sóıledi. Belgili aqyn, «Serper» jastar syılyǵynyń laýreaty, Qazaqstan Jazýshylar Odaǵynyń múshesi Saıat Qamshyger júrgizgen shara aıasynda «Shyǵys ádebıeti» baspa kompanııasy bas dırektorynyń orynbasary Jeńis Omar sóz sóılep, QR Ulttyq kitaphanasyna 87 danadan turatyn zamanaýı jańa ádebıetter jınaǵyn syıǵa tartty. Kitaphana qoryna syıǵa tartylǵan kitaptar – qoǵamdyq-saıası, tarıhı jáne ádebı-kórkem janrdaǵy týyndylar. «Qytaı derekkózderindegi Qazaqstan tarıhy» kitaptary, balalar ádebıetiniń tarıhy men serııasy boıynsha eki tildegi aýdarmalar rýhanı qundylyǵymen erekshelenedi. QR Ulttyq kitaphanasynyń dırektory Baqytjamal Ospanova men «Shyǵys ádebıeti» baspa kompanııasynyń atynan dırektordyń orynbasary J.Omar yntymaqtastyq týraly Memorandýmǵa qol qoıdy.

Al óz kezeginde QR Ulttyq kitaphanasynyń kitaphanashysy Qadaı Qamııa «Qytaı tarıhyndaǵy ǵylymı ónertabystar» kitabynyń tarıhy men qysqasha mazmuny týraly baıandap, qytaı tilinen qazaq tiline aýdarma barysyndaǵy qıyndyqtardy atap ótti. Jańa kitaptyń saltanatty túrde lentasyn qııý Qazaqstannyń jetekshi qytaıtanýshylarynyń, JOO oqytýshylarynyń, jazýshylardyń jáne QR Ulttyq kitaphanasy dırektorynyń qatysýymen ótti.

Dóńgelek ústelde ǵalym-etnograf, jazýshy Baıahmet Jumabaıuly men ál-Farabı atyndaǵy Qazaq Ultyq ýnıversıtetiniń shyǵystaný fakýltetiniń qytaıtaný kafedrasynyń meńgerýshisi, PhD professory Farıda Orazaqyn aýdarma salasynyń erekshelikteri men qazaq men qytaı mádenıetiniń erekshelikterine keńinen toqtaldy. «Shyǵys ádebıeti» baspa kompanııasynyń redaktory, balalar jazýshysy, jýrnalıst  Nurlan Qumar kitapta óńdeý barysyndaǵy jumysy men qyzyqty-tanymdyq dúnıelerdi keńinen qozǵady. Is-sharany №182 orta mekteptiń 3-synyp oqýshysy Ádilet Eldes kúı tartyp, Qurmanǵazy atyndaǵy konservatorııa magıstranty Sáýlebaı Baqtybaı án shyrqady. Shara aıasynda QR Ulttyq kitaphanasynyń qorynan orys, qazaq, qytaı tilderinde «Kitap halyqtardy biriktiredi» atty kitap kórmesi uıymdastyryldy. Qonaqtarǵa arnalǵan kitap kórmesimen Álem ádebıeti qyzmetiniń top jetekshisi B. Kýlıeva tanystyrdy.

Qytaı Halyq Respýblıkasynda 1953 jyly jaryq kórgen tanymdyq kitaptyń avtory belgili qalamger, ǵalym – ıan Veıchan. Al byltyr QR Ulttyq kitaphanasynyń qyzmetkeri Qadaı Qamııanyń qytaı tilinen qazaq tiline aýdarǵan.  Dóńgelek ústelge Qazaqstandaǵy belgili qytaıtanýshylar, «Shyǵys ádebıeti» baspasy, aýdarmashy mamandar, ál-Farabı atyndaǵy Qazaq  ulttyq ýnıversıtetiniń, Halyqaralyq qazaq-qytaı til kolledjiniń professorlyq-oqytýshylar quramy jáne stýdentteri, BAQ ókilderi, kitaphana oqyrmandary qatysty.

Saltanat QAJYKEN,

ALMATY