جەڭىل اتلەت داۆيد ەفرەموۆ قازاقستان رەكوردىن جاڭارتتى

استانادا جەڭىل اتلەتيكادان World Indoor Tour Astana Indoor Meet ءتۋرنيرى اياقتالدى. وسى تۋرنيردە داۆيد ەفرەموۆ قازاقستان رەكوردىن جاڭارتتى.

Olympic.kz-ءتىڭ حابارلاۋىنشا، ەفرەموۆ 60 مەترگە كەدەرگىلەر ارقىلى جۇگىرۋدەن ءوز رەكوردىن جاڭارتتى. ول قاشىقتىقتى 7،59 سەكۋندتا جۇگىرىپ ءوتتى.

بۇعان دەيىن ەلدىڭ ەڭ ۇزدىك كورسەتكىشى 7.62 سەكۋند بولعان. فينالدا ەفرەموۆ مارەگە ءتورتىنشى بولىپ كەلدى.

قازاقستان كومانداسى ساپىنان نادەجدا دۋبوۆيتسكايا ۇزدىك ناتيجە كورسەتتى. ول بيىكتىككە سەكىرۋدەن كۇمىس مەدال جەڭىپ الدى.

استاناداعى الەمدىك تۋرنيردە دۇنيەجۇزىنىڭ 45 مەملەكەتىنەن 136 اتلەت باق سىنادى. جارىسقا الەم رەكوردشىلارى، الەم چەمپيوناتتارى مەن وليمپيادا چەمپيوندارى دا قاتىستى.