SportPress.kz قازاقستان سپورت جاڭالىقتارى
وڭتۇستىك كورەيانىڭ كانۆون پروۆينتسياسىنىڭ كاننىن قالاسىندا قىسقى سپورت تۇرلەرىنەن IV جاسوسپىرىمدەر وليمپياداسىنىڭ باستالعانىنا 10 كۇن ءوتتى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسى.
قازىر قازاقستان سپورتشىلارى 1 التىن، 2 قولا مەدالمەن جالپى ەسەپتە 17-ساتىدا تۇر. ەلىمىزگە العاشقى التىن جۇلدەنى يليا ميزەرنىح سىيلاسا، پولينا ومەلچۋك (شورت-ترەك) پەن حوككەيدەن ۇلتتىق قۇراما كوماندالارىمىز قولا مەدالدى جەڭىپ العان.
بۇگىن ۇلتتىق قۇراما سپورتشىلارى شاڭعىمەن جارىستا جانە كيورلينگتە سىنعا ءتۇستى. مەرەي مەن يبراگيم تاستەمىروۆتەر توپتىق كەزەڭدە شۆەيتساريا قۇراماسىنا (يانا-تامارا حاحلەن، نەۆيو كاچچيۆيو) جول بەردى. ەسەپ – 1:9.
وسىدان كەيىن شاڭعىمەن جارىستا قازاقستان اتلەتتەرىنەن جاقسى ناتيجەنى بەرىك بورانباەۆ كورسەتتى. ول سپرينتتە ىرىكتەۋدەن سۇرىنبەي ءوتىپ، شيرەك فينالدان ءارى اسا المادى. اۋباكىر توتانوۆ 37-ءشى ساتىعا تۇراقتادى (3:18.78). قىزدار اراسىندا ۆيولەتتا ميتروپولسكايا 33-ءشى (3:50.35)، ميلانا مامەدوۆا 56-ورىننان كورىندى (4:13.16).
سپرينتتە قىزدار اراسىندا ەلزا تەنگلاندەر (شۆەتسيا، 3:33.98) توپ جارسا، كايسا يوحاننسون (شۆەتسيا، 3:33.98) ەكىنشى، نەيلي-لوتتا كارپەللين (فينليانديا، 3:34.46) ءۇشىنشى ساتىعا جايعاستى. ۇلداردا فەدەريكو پوتستسي (يتاليا، 3:16.27) وليمپيادانىڭ چەمپيونى اتاندى. كۇمىس جۇلدەنى ەلياس موحتا (گەرمانيا، 3:16.60) يەلەنسە، قولا مەدال تەيبور گرينبەرگكە (اقش، 3:17.33) بۇيىردى.
ەرتەڭ شاڭعىمەن 7،5 شاقىرىمعا جارىس (كلاسسيكالىق جۇرىسپەن) بولادى. سپورتشىلار استانا ۋاقىتىمەن 8:00-دە (ۇلدار) جانە 10:30-دە (قىزدار) شىعادى. ال كيورلينگتەن قازاقستان مەن يتاليا ويىنى 15:00-دە باستالادى. جاسوسپىرىمدەر وليمپياداسى 2 اقپاندا مارەسىنە جەتەدى.
IV قىسقى جاسوسپىرىمدەر وليمپياداسىن Olympics.com Youtube ارناسىنان كورۋگە بولادى.
