Kanvon-2024: Qazaqstan jalpykomandalyq esepte 17-orynda tur

Ońtústik Koreıanyń Kanvon provınııasynyń Kannyn qalasynda qysqy sport túrlerinen IV jasóspirimder Olımpıadasynyń bastalǵanyna 10 kún ótti, dep habarlady Týrızm jáne sport mınıstrligi Sportty damytý dırekııasy.

Qazir Qazaqstan sportshylary 1 altyn, 2 qola medalmen jalpy esepte 17-satyda tur. Elimizge alǵashqy altyn júldeni Ilıa Mızernyh syılasa, Polına Omelchýk (short-trek) pen hokkeıden ulttyq qurama komandalarymyz qola medaldi jeńip alǵan.

Búgin Ulttyq qurama sportshylary shańǵymen jarysta jáne kıorlıngte synǵa tústi. Mereı men Ibragım Tastemirovter toptyq kezeńde Shveıarııa quramasyna (Iana-Tamara Hahlen, Nevıo Kachchıvıo) jol berdi. Esep – 1:9.

Osydan keıin shańǵymen jarysta Qazaqstan atletterinen jaqsy nátıjeni Berik Boranbaev kórsetti. Ol sprıntte irikteýden súrinbeı ótip, shırek fınaldan ári asa almady. Áýbákir Totanov 37-shi satyǵa turaqtady (3:18.78). Qyzdar arasynda Vıoletta Mıtropolskaıa 33-shi (3:50.35), Mılana Mamedova 56-orynnan kórindi (4:13.16).

Sprıntte qyzdar arasynda Elza Tenglander (Shveııa, 3:33.98) top jarsa, Kaısa Iohannson (Shveııa, 3:33.98) ekinshi, Neılı-Lotta Karpellın (Fınlıandııa, 3:34.46) úshinshi satyǵa jaıǵasty. Uldarda Federıko Poı (Italııa, 3:16.27) Olımpıadanyń chempıony atandy. Kúmis júldeni Elıas Mohta (Germanııa, 3:16.60) ıelense, qola medal Teıbor Grınbergke (AQSh, 3:17.33) buıyrdy.

Erteń shańǵymen 7,5 shaqyrymǵa jarys (klassıkalyq júrispen) bolady. Sportshylar Astana ýaqytymen 8:00-de (uldar) jáne 10:30-de (qyzdar) shyǵady. Al kıorlıngten Qazaqstan men Italııa oıyny 15:00-de bastalady. Jasóspirimder Olımpıadasy 2 aqpanda máresine jetedi.

IV qysqy jasóspirimder Olımpıadasyn Olympics.com Youtube arnasynan kórýge bolady.