Kanvon-2024: shańǵymen klassıkalyq ádispen jeke jarys aıaqtaldy

Ońtústik Koreıanyń Kanvon provınııasynyń Kannyn qalasynda ótip jatqan jasóspirimder Olımpıadasynda Qazaqstan quramasynyń qyzdar men uldardan quralǵan komandasy 7,5 shaqyrymǵa klassıkalyq ádispen jarysty.

Uldar arasyndaǵy básekede Berik Boranbaev 35, Áýbákir Totanov 40-orynnan kórindi. Jarysqa jalpy esebi 79 sportshy qatysty. Al qyzdar arasyndaǵy synda Vıoletta Mıtropolskaıa 25, Mılana Mamedova márege 52-shi bolyp jetti. Jarys jolyna 78 shańǵyshy shyqty.

Búgin Qazaqstan sportshylary  kerlıngten synǵa túsedi.

1 aqpanda shańǵy jarysynan 4×5 shaqyrym qashyqtyqta aralas estafeta bolady.

Ońtústik Koreıadaǵy jasóspirimder Olımpıadasynda Qazaqstan namysyn sporttyń 5 túrinen 10 dısıplına boıynsha 41 sportshy qorǵap jatyr. Sportshylar bıatlon, kerlıng, konkımen syrǵanaý, short-trek, shaıbaly hokkeı, shańǵy jarysy, shańǵymen tuǵyrdan sekirý, shańǵy qossaıysy, taý shańǵysy, frıstaıldan paralleldi mogýl boıynsha jarystarǵa qatysýda.

Kanvonda qysqy jasóspirimder Olımpıadasynyń alaýy 19 qańtarda jaǵylǵan bolatyn. Jarys 1 aqpanda aıaqtalady.

Dastan KENJALIN,

ASTANA