SportPress.kz قازاقستان سپورت جاڭالىقتارى
تەننيسشى ءامىر ومارحانوۆ جاسوسپىرىمدەر اراسىندا ITF Juniors رەيتينگىندە 16-ورىنعا كوتەرىلدى.
بۇل – ەلىمىزدە سپورتتىڭ وسى تۇرىمەن اينالىساتىن جاسوسپىرىمدەر ءۇشىن ەڭ ۇزدىك كورسەتكىش. قازاقستاننىڭ ءجاسوسپىرىم تەننيسشىلەرىنەن ەشكىم الەمدىك رەيتينگىدە مۇنداي بيىككە كوتەرىلگەن ەمەس.
بۇعان دەيىن 16 جاستاعى سپورتشى ITF Juniors رەيتينگىندە 27-ورىندا بولعان ەدى. ءامىر ومارحانوۆ جاسوسپىرىمدەر اراسىندا اۋستراليانىڭ اشىق چەمپيوناتىنىڭ شيرەك فينالىندا ويناپ، رەيتينگىن بىردەن جاقسارتىپ الدى. ول ەرلەر اراسىندا قازاقستان تەننيسشىلەرىنەن العاش بولىپ ¼ فينالعا شىعىپ، ءۇشىنشى اينالىمدا الەمدىك رەيتينگتە وزىنەن ءبىر ساتى جوعارى تۇرعان وڭتۇستىككورەيالىق چاندجۋن كيمدى جەڭگەن بولاتىن.
داستان كەنجالين،
استانا
