Ámir Omarhanov reıtıngte birden 11 satyǵa kóterildi

Tennısshi Ámir Omarhanov jasóspirimder arasynda ITF Juniors reıtınginde 16-orynǵa kóterildi.

Bul – elimizde sporttyń osy túrimen aınalysatyn jasóspirimder úshin eń úzdik kórsetkish. Qazaqstannyń jasóspirim tennısshilerinen eshkim álemdik reıtıngide mundaı bıikke kóterilgen emes.

Buǵan deıin 16 jastaǵy sportshy ITF Juniors reıtınginde 27-orynda bolǵan edi. Ámir Omarhanov jasóspirimder arasynda Aýstralııanyń ashyq chempıonatynyń shırek fınalynda oınap, reıtıngin birden jaqsartyp aldy. Ol erler arasynda Qazaqstan tennısshilerinen alǵash bolyp ¼ fınalǵa shyǵyp, úshinshi aınalymda álemdik reıtıngte ózinen bir saty joǵary turǵan ońtústikkoreıalyq Chandjýn Kımdi jeńgen bolatyn.

Dastan KENJALIN,

ASTANA