Fýtboldan Qazaqstan quramasy Túrkimenstanmen joldastyq match ótkizedi

 Qazaqstan fýtbol federaııasy ulttyq quramanyń Túrikmenstan komandasymen joldastyq kezdesý ótkizetini týraly habarlady.

Ulttyq qurama 8 naýryzda ÝEFA Ulttar lıgasynyń pleı-off kezeńiniń jartylaı fınalynda Grekııamen ótetin oıyn aldynda Dýbaıda oqý-jattyǵý jıyndaryn bastaıdy. Al 14 naýryzda Túrikmenstan quramasyna qarsy joldastyq oıyn josparlanyp otyr.

Elimizdiń bas komandasynyń Grekııaǵa qarsy Eýropa chempıonaty irikteý kezeńiniń pleı-off matchy 21 naýryzda Afına qalasynda bolady.

Buǵan deıin Qazaqstan men Túrikmenstan quramalary ózara úsh ret oınaǵan. Komandalar alǵash ret 1992 jyly 1 maýsymda Almatyda Ortalyq Azııa kýbogy jolyndaǵy týrnırdiń fınaldyq kezeńde kezdesken. Bul oıynda Qazaqstan Túrikmenstan komandasyn 1:0 esebimen jeńgen.

Ekinshi match Ashhabad qalasynda bolǵan. Sol jyly 14 qyrkúıekte Ortalyq Azııa kýbogynyń fınaldyq kezeńde qarsylastar 1:1 esebimen teń tarqasqan. Al úshinshi ret quramalar 1994 jyly 15 sáýirde Tashkent qalasynda bas qosqan. Komandalar О́zbekstan Táýelsizdiginiń kýbogy jolyndaǵy jarystyń fınaldyq kezeńde oınap, bir-birine gol sala almaı ketken. Match 0:0 bolyp aıaqtalǵan.