SportPress.kz Qazaqstan sport jańalyqtary
Osy demalys kúnderi konkımen júgirýden Qazaqstan quramasy Kanada men Japonııada ótken Álem kýbogy kezeńderinde tarıhı nátıje kórsetti. Elimizdiń qorjynyna eki altyn, úsh kúmis, alty qola medal túsip, sportshylarymyz álemdik reıtıngte kósh bastady.
2-4 aqpanda Kanadanyń Kvebek qalasynda eresekter arasynda ótken Álem kýbogynda Qazaqstan áıelder quramasy komandalyq sprıntte baq synap, elimizdiń tarıhynda tuńǵysh ret qola júldege ıe boldy. Komanda quramynda tájirıbeli Ekaterına Aıdova, jasóspirimder arasyndaǵy álem chempıonatynyń eki dúrkin júldegeri Alına Daýranova men jasóspirimder arasyndaǵy Álem kýbogynyń ıegeri Inessa Shýmekova óner kórsetti. Bul qurammen alǵash ret jarys alańyna shyqqan sportshylarymyz 1:29.16 nátıjesin tirkep, úshinshi orynǵa jaıǵasty. Nıderlandy quramasy kýboktyń ıegeri atansa, Polsha komandasy kúmis júldeni ıelendi.
Bul jaryspen qatar Japonııanyń Hatınohe qalasynda konkımen júgirýden jasóspirimder men neo-senorlar arasyndaǵy Álem kýbogynyń úshinshi kezeńi boldy.
Jarystyń birinshi kúni Qazaqstan konkıshiler alty medaldi jeńip aldy.
Neo-senorlar arasyndaǵy «Team Sprint» komandalyq jarysynda áıelder quramasy altyn (1 mınýt 33.82 sekýnd) medalge, erler komandasy qola (1:28.02) júldege ıe boldy.
Jasóspirimder arasyndaǵy «Team Sprint» komandalyq jarysynda áıelder – kúmis (1:31.47), erler – qola (1:23.89) júldeni jeńip alsa, 1000 metrge júgirýde (neo-senorlar) Margarıta Artemeva – kúmis (1:22.03), Marııa Kýzneova – qola (1:23.84) medaldi ıelendi.
Jarystyń ekinshi kúni sportshylarymyz tórt medal jeńip aldy.
500 metrge júgirýde (neo-senorlar) Margarıta Artemeva altyn (40.86 sekýnd) júldeni moınyna taqsa, Marııa Kýzneova qola (41.38) júldeger atandy.
1500 metrge júgirýde (neo-senorlar) Alena Lıfatova márege úshinshi bolyp keldi. Onyń nátıjesi 2 mınýt 12.01 sekýnd.
Jappaı startta (neo-senorlar) Margarıta Artemeva fınıshke 6 mınýt 48.84 sekýndta ekinshi bolyp jetti.
Konkımen júgirý sportynan 2023/2024 jylǵy maýsymy biz úshin jaqsy bolyp jatyr. Kvebekte qyzdarymyz alǵash ret komandalyq sprıntte qola júldeger atanyp otyr. Bul qýanyshymyzben qatar, Japonııadan jasóspirimder komandasy da jeńisti habarmen qýantty. Álem kýbogy jarysynda birden 10 medal aldyq. Bul degenimiz konkımen júgirý sportynyń elimizde qarqyndy damyp kele jatqanynyń aıqyn kórinisi. Úmit artyp otyrǵan óskeleń urpaǵymyz bar. Nátıje kórsetip júrgen myqty sportshylarymyz jáne bar.
Ulttyq quramaǵa aldaǵy olımpııalyq maýsymdarǵa rezerv daıyn dep senimdi túrde aıta alamyz. Qazir álemdik reıtıngtiń birneshe dıstanııasynda kósh bastap turmyz. Osy qarqynnan qalmaı, kele jatqan álem chempıonatynda jaqsy nátıje kórsetýge barynsha tyrysamyz, — dedi kezinde Olımpıadaǵa qatysqan konkımen júgirýden QR memlekettik jattyqtyrýshysy, Kenjesh Sársekenova.
Sondaı-aq, Japonııada 2023/2024 jylǵy Álem kýbogynyń barlyq kezeńderindegi upaılar qosyndysy boıynsha maýsymnyń eń myqty sportshylary anyqtaldy. Bul tizimde otandastarymyz kósh bastap, jeńis tuǵyrynan kórindi.
Atap aıtqanda, Qazaqstan áıelder arasyndaǵy komandalyq jarysta birinshi, al erler arasyndaǵy komandalyq jarysta ekinshi oryndy aldy.
Jappaı startta Marııa Kýzneova úshinshi orynnan kórinse, Margarıta Artemeva 500 metrge júgirýde aldyna jan salǵan joq. Osy synda Inessa Shýmekova márege úshinshi bolyp jetti.
1000 metrge júgirýdeInessa Shýmekova ekinshi, Alena Lıfatova úshinshi bolyp keldi.
Jasóspirimderdiń komandalyq jarysynda qyzdar ekinshi orynǵa taban tiredi.
Halyqaralyq konkıshiler odaǵy (ISU) maýsymnyń úzdikteri dep tanyǵan sportshylarǵa dıplomdar men aqshalaı sertıfıkattar tabys etti.
Marjan QALYMOVA,
Qazaqstan konkıshiler odaǵynyń baspasóz hatshysy
