Parlamentte legıonerler týraly zań qabyldanýy kerek

Elimiz táýelsizdik alǵaly otyz eki jyl bolsa da, áli kúnge deıin shetelderden legıonerlerdi shaqyrýdy qoıar emes. Qazaq balalaryn daıyndamaı, Reseı men Afrıkadan sportshy shaqyra berýge uıalmaımyz ba? Otandyq sport salasynda 180 federaııa bar. Sońǵy ótken jazǵy Olımpıadada nege altyn júlde ala almaı qaldyq? Federaııa kóp, biraq nátıje joq.

Kórshi О́zbekstan men Qyrǵyzstan sporty bizden ozyp ketti. Olarǵa jetý úshin qazaq sportyna júıeli reforma jasaý kerek. Buryn sportshy jáne basshy bolǵan Májilis depýtattary Dáýlet Turlyhanov, Ardaq Nazarov pen Danııar Qasqaraýov Parlament Májilisiniń otyrystarynda shetelden sportshylardy shaqyrýdy doǵarý týraly qashan másele kóteredi? Áli kúnge deıin legıonerler týraly eshqandaı naqty zań joq. Federaııa basshylary halyq pen BAQ-qa esep te bermeıdi. Bıyl sportqa ózgeris engizbesek, keıin kesh qalamyz.

Qazaq jigitterinen Olımpıada jáne álem chempıondaryn shyǵara almasańyzdar, ne istep júrsizder? О́zge eldiń joly bolmaǵan sportshylaryn elge shaqyrǵannan qazaq sporty damyp ketpeıdi ǵoı. Shoqyr Bóltekuly, Oktıabr Jarylǵapov, Áljan Jarmuhamedov, Qabden Baıdosov, Ámın Tuıaqov, Ábilseıit Aıhanov, Seıilda Baıshaqov, Ǵusman Qosanov, Ábdisalan Nurmahanov, Shámil Serikov, Quralbek Ordabaev, Jaqsylyq Úshkempirov pen Serik Qonaqbaevtar qazaqty dúnıe júzine tanytyp artyna óshpes iz qaldyrdy. Al qazir shetelderden kelgen sportshylarǵa senim artamyz. Qazaq jigitteriniń jolyn kesip, Olımpıadaǵa qatysatyn jastardyń armandaryna balta shaýyp jatyrmyz. Oılanaıyq, naqty sheshim qabyldap, jastardy qoldaıyq.

Qazaqstanda legıonerler eń kóp TOP-9 sport túri:

1. Fýtbol;
2. Hokkeı;
3. Basketbol;
4. Aýyr atletıka;
5. Erkin kúres;
6. Jeńil atletıka;
7. Grek-rım kúresi;
8. Áıelder kúresi;
9. Tennıs.

Aıbek MUHANOV,

Mańǵystaý oblysy