SportPress.kz Qazaqstan sport jańalyqtary
Bolgarııanyń astanasy -Sofııa qalasynda qalyptasqan dástúr boıynshy jyldyń osy mezgilinde boksshylardyń Strandja kýbogy jolyndaǵy týrnıri bolady. Bıyl da bul jarys 4 aqpanda 75-ret jalaýyn kóterdi.
Qazaqstan boks federaııasynyń habarlaýynsha, 12 aqpanǵa deıin bolatyn dúrmekti dodaǵa elimizden 10 salmaq boıynsha bylǵary qolǵap ıeleri qatysyp jatyr. Jalpy, halyqaralyq týrnırge álemniń 28 elinen 178 sportshysy qatysýda.
Týrnırge ulttyq quramany bas jattyqtyrýshysy Myrzaǵalı Aıtjanov bastap bardy.
Jer-jahanǵa «kishi álem chempıonaty» degen atpen belgili bedeldi týrnır 4 aqpanda 1/16 fınaldyq irikteý saıystarynan bastaldy. Sol kúni sharshy alańǵa shyqqan tórt boksymyz qarsylastaryn jeńip, kelesi aınalymǵa shyqty.
Rýslan Kúzeýbaev 60 kelige deıingi salmaqta aljırlik qarsylasy Mordjan Oýessamamen qolǵap túıistirip, ony 5:0 esebimen jeńse,1/8 fınalda Armenııanyń Eýropa chempıony Artıýsh Gomıanıdi 5:0 esebimen eline qaıtardy.
67 kelige deıingi salmaqtaǵy Dýlat Bekbaýov alań ıesi Blagovest Nedelchevten 3:2 esebimen basym tústi.
Keshki sessııada 54 kelige deıingi salmaqtaǵy Dáýlet Moldashev Qyrǵyzstannyń ókili Rýslan Ernest ýýlyn 4:1 esebimen, 80 kelige deıingi salmaqtaǵy Tursynbaı Qulahmet taǵy bir alań ıesi Nıkolaı Dıshkovten aılasyn asyrdy. Ol qazaq boksshysynyń soqqylarynan besinshi buryshty izdep ketti. Jekpe-jekte tóreshilerdiń biraýyz sheshimimen Qulahmet 5:0 esebimen jeńiske jetti. Odan keıin ol 1/8 fınalda ózbek Alohon Abdýllaevty jeńip, kelesi aınalymǵa joldama aldy. Bul jekpe-jekte esep 4:0 bolyp tirkeldi.
5 aqpanda 63,5 kelige deıingi salmaqtaǵy Erasyl Tańqaı bolgarııalyq Krasımır Djýrovty 5:0 esebimen tize túktirdi. 92 keli salmaqta Abzal Quttybekov qytaı Han Sıýchjendi 4:1 esebimen jeńdi.
Sonymen bitrge 52 kg salmaqtaǵy álem chempıony Sanjar Táshkenbaı 1/8 fınalda Qyrǵyzstannyń jastar arasyndaǵy Azııa chempıonatynyń kúmis júldegeri Bekzat Ergeshovti jolda qaldyrdy. Bul jekpe-jekte Táshkenbaı qarsylasynan 5:0 esebimen basym tústi.
57 kg salmaqta Orazbek Asylqulov ýkraınalyq Vladıslav Stasti da 5:0 esebimen eline qaıtardy. Osy kezdesýde 1/8 fınalda boldy.
71 kg salmaqtaǵy Talǵat Shaıken1/8 fınalda grýzııalyq Eskerhan Madıevten 2:3 esebimen jeǵńilip qaldy. Bul — boksshy byltyrǵy álem chempıonatynyń shırek fınalısi.
75 kelide Nurqanat Raıys qyrǵyz Danıel Abdrahmanovty jeńdi.
Strandja kýbogy jolyndaǵy týrnırge Ýkraınadan – 21, О́zbekstannan – 19, Bolgarııadan – 18, Grýzııadan – 14, Úndistannan – 13, Qyrǵyzstannan 11 boksshy qatysyp jatyr.
Týrnırde 10 aqpanda – jartylaı fınaldyq, 11 aqpanda fınaldyq aıqastar bolady.
Dastan KENJALIN,
ASTANA
View this post on Instagram
