استانادا جاقسىلىق ۇشكەمپىروۆتى ەسكە تۇسىرۋگە ارنالعان  تۋرنير وتەدى

11 مەن 13 ناۋرىز ارالىعىندا استانا قالاسىندا جاقسىلىق ۇشكەمپىروۆ اتىنداعى جەكپە جەك سارايىندا كسرو-نىڭ ەڭبەك سىڭىرگەن سپورت شەبەرى، وليمپيادا چەمپيونى، الەم چەمپيونى، قازاقستاننىڭ ەڭبەك ەرى جاقسىلىق ۇشكەمپىروۆتى ەسكە الۋعا ارنالعان گرەك-ريم كۇرەسىنەن جاسوسپىرىمدەر (U20) اراسىندا حالىقارالىق تۋرنير وتەدى.

وعان الەمنىڭ ەڭ ۇزدىك بوزكىلەم شەبەرلەرى قاتىسىپ، 10 سالماق دارەجەسىندە سىنعا تۇسەدى.

ءىس-شارا تۋريزم جانە Cپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى، گرەك-ريم، ەركىن جانە ايەلدەر كۇرەسى فەدەراتسياسى مەن  استانا قالاسىنىڭ دەنە شىنىقتىرۋ جانە سپورت باسقارماسىنىڭ ۇيىمداستىرۋىمەن بولادى.

تۋرنيرگە كىرۋ تەگىن.

دينارا بيمانوۆا،

استانا