Júz jastaǵy qarııa sýǵa sekirýden júlde aldy (VIDEO)

Katardyń Doha qalasynda sý sporty túrlerinen ótip jatqan álem chempıonatynda Iran eliniń 100 jastaǵy Tagı Asga Asgarı degen qart azamaty bir metr bıikten sýǵa sekirip, arnaıy júlde aldy.

Bul kisiniń ózi de buryn sportpen aınalysqan eken. Ol sońǵy ret 41 jasynda Irannyń sýǵa sekirýden ótken chempıonatyna qatysyp, altyn medaldi jeńip alǵan. Sodan keıin sportpen qoshtasyp, resmı jarysqa qatyspaǵan.

Osy joly ol álem chempıonatyna qurmetti qonaq retinde shaqyrylǵan edi. Biraq ardager sportshy qurmetti qonaqtar otyratyn jerdegi ornynan turyp, jankúıerler aldynda sýǵa sekirip, kópshilikti tańqaldyrǵan.

Men sońǵy ret 41 jasynda óz elimniń chempıonatyna qatystym. Sodan beri mine, 60 jyl da óte shyqty. 1951 jyly alǵash ret jarysqa qatystym. Sol jyly Úndistanda ótken Azııa oıyndarynda baq synadym. 10 metr bıikten sekirip, kúmis medal, tuǵyrdan sekirýden qola júlde alǵan edim. Áli eshteńe ózgermegen eken, — dedi ol.

Álem chempıonatynda uıymdastyrýshylar Tagı Asgarıge bir metr bıikten sekirgeni úshin altyn júldeni tabys etti.

Dastan KENJALIN,

ASTANA

 

View this post on Instagram

 

A post shared by World Aquatics (@world_aquatics)