رىباكينا دوحا تۋرنيرىندە تاعى دا جەڭىسكە جەتتى

تەننيسشى ەلەنا رىباكينا كاتاردىڭ دوحا قالاسىندا ءوتىپ جاتقان WTA 1000 ءتۋرنيرىنىڭ شيرەك فينالىنا شىقتى.

بۇل جارىستا رىباكينا ءۇشىنشى راكەتكاسى بولىپ تىركەلىپ، ءۇشىنشى اينالىمدا دۇنيەجۇزىلىك رەيتينگىدە 23-ورىندا تۇرعان امەريكالىق 22 جاستاعى سپورتشى ەمما ناۆاررومەن كەزدەستى. ونىڭ الدىندا ول قىتاي تەننىسشىسى چجۋ ءليندى جەڭىپ، ¼ فينالعا جولداما العان بولاتىن. ال ناۆاررومەن ويىندا رىباكينا ماتچتى جاقسى باستاپ، ءبىرىنشى پارتيادا 5:0 ەسەبىمەن العا شىعىپ، سەتتى 6:1 ەسەبىمەن جەڭدى.

ەكىنشى سەتتە تاي-برەيكتە ناۆاررونىڭ اسىعى الشىسىنان ءتۇستى. ول 7:6 (8:6) ەسەبىمەن باسىم ءتۇستى.

ءۇشىنشى، شەشۋشى پارتيادا ەلەنا رىباكينا برەيك جاساپ، 4:2 ەسەبىمەن العا شىقتى. سودان كەيىن قارسىلاسىنا ۇپاي جيناۋعا مۇمكىندىك بەرمەي، 6:4 ەسەبىمەن جەڭىسكە جەتتى.

ماچت 2 ساعات 10 مينۋتقا سوزىلدى. وسى ۋاقىتتا وتانداسىمىز 10 ەيس جاساپ، 10 برەيك-پوينتتىڭ التاۋىن جاقسى پايدالانا كەتتى.

ەندى رىباكينانى جارتىلاي فينال كۇتىپ تۇر. ول ½ فينالعا شىعۋ ءۇشىن الەمنىڭ 38-راكەتكاسى، 2021 جىلعى اقش اشىق چەمپيوناتىنىڭ ءفيناليسى، كانادالىق لەيلا فەرناندەسپەن كەزدەسەدى.

داستان كەنجالين،

استانا