Теннисші Елена Рыбакина Катардың Доха қаласында өтіп жатқан WTA 1000 турнирінің ширек финалына шықты.
Бұл жарыста Рыбакина үшінші ракеткасы болып тіркеліп, үшінші айналымда дүниежүзілік рейтингіде 23-орында тұрған америкалық 22 жастағы спортшы Эмма Наварромен кездесті. Оның алдында ол қытай теннісшісі Чжу Линьді жеңіп, ¼ финалға жолдама алған болатын. Ал Наварромен ойында Рыбакина матчты жақсы бастап, бірінші партияда 5:0 есебімен алға шығып, сетті 6:1 есебімен жеңді.
Екінші сетте тай-брейкте Наварроның асығы алшысынан түсті. Ол 7:6 (8:6) есебімен басым түсті.
Үшінші, шешуші партияда Елена Рыбакина брейк жасап, 4:2 есебімен алға шықты. Содан кейін қарсыласына ұпай жинауға мүмкіндік бермей, 6:4 есебімен жеңіске жетті.
Мачт 2 сағат 10 минутқа созылды. Осы уақытта отандасымыз 10 эйс жасап, 10 брейк-пойнттың алтауын жақсы пайдалана кетті.
Енді Рыбакинаны жартылай финал күтіп тұр. Ол ½ финалға шығу үшін әлемнің 38-ракеткасы, 2021 жылғы АҚШ ашық чемпионатының финалисі, канадалық Лейла Фернандеспен кездеседі.
Дастан КЕНЖАЛИН,
АСТАНА