Rybakına Doha týrnırinde taǵy da jeńiske jetti

Tennısshi Elena Rybakına Katardyń Doha qalasynda ótip jatqan WTA 1000 týrnıriniń shırek fınalyna shyqty.

Bul jarysta Rybakına úshinshi raketkasy bolyp tirkelip, úshinshi aınalymda dúnıejúzilik reıtıngide 23-orynda turǵan amerıkalyq 22 jastaǵy sportshy Emma Navarromen kezdesti. Onyń aldynda ol qytaı tennisshisi Chjý Lındi jeńip, ¼ fınalǵa joldama alǵan bolatyn. Al Navarromen oıynda Rybakına matchty jaqsy bastap, birinshi partııada 5:0 esebimen alǵa shyǵyp, setti 6:1 esebimen jeńdi.

Ekinshi sette taı-breıkte Navarronyń asyǵy alshysynan tústi. Ol 7:6 (8:6) esebimen basym tústi.

Úshinshi, sheshýshi partııada Elena Rybakına breık jasap, 4:2 esebimen alǵa shyqty. Sodan keıin qarsylasyna upaı jınaýǵa múmkindik bermeı, 6:4 esebimen jeńiske jetti.

Macht 2 saǵat 10 mınýtqa sozyldy. Osy ýaqytta otandasymyz 10 eıs jasap, 10 breık-poınttyń altaýyn jaqsy paıdalana ketti.

Endi Rybakınany jartylaı fınal kútip tur. Ol ½ fınalǵa shyǵý úshin álemniń 38-raketkasy, 2021 jylǵy AQSh ashyq chempıonatynyń fınalısi, kanadalyq Leıla Fernandespen kezdesedi.

Dastan KENJALIN,

ASTANA