ۇكىمەت باسشىسى جاسوسپىرىمدەر وليمپياداسىنىڭ چەمپيونى مەن جۇلدەگەرلەرىن ماراپاتتادى

پرەمەر-مينيستر ولجاس بەكتەنوۆ 19 قاڭتار مەن 1 اقپان ارالىعىندا كانۆوندودا (كورەيا رەسپۋبليكاسى) وتكەن IV قىسقى جاسوسپىرىمدەر وليمپياداسىنىڭ چەمپيونى مەن جۇلدەگەرلەرىنە مەملەكەت باسشىسىنىڭ اتىنان العىس حاتتاردى تابىس ەتتى، دەپ حابارلادى ۇكىمەتتىڭ ءباسپاسوز قىزمەتى.

ۇكىمەت باسشىسى پرەزيدەنت قاسىم-جومارت توقاەۆتىڭ العىس حاتىن وقىپ بەرىپ، سپورتشىلاردى قۇتتىقتادى. پرەمەر-مينيستر بۇل قازاقستاننىڭ جاسوسپىرىمدەر اراسىنداعى قىسقى وليمپيادا ويىندارى تاريحىنداعى العاشقى التىن جۇلدەسى ەكەنىن اتاپ ءوتتى. جالپى مەدال سانى بويىنشا قازاقستان الەمنىڭ 78 ەلى اراسىندا 20-ورىندى يەلەندى.

سپورت – ەلدىڭ مارتەبەسىن بيىكتەتىپ، مەملەكەتتىڭ قۋاتى مەن ءوسىپ كەلە جاتقان الەۋەتىنە دەگەن ادامداردىڭ سەنىمىن نىعايتا تۇسەتىن ماڭىزدى فاكتور. قازاقستاندىقتار سىزدەردىڭ جەڭىستەرىڭىزدى ماقتان تۇتادى. وزدەرىڭىز سياقتى ەرىك-جىگەرى مىقتى جاس سپورتشىلاردىڭ ەلىمىزدىڭ بولاشاعى ەكەنىنە كامىل سەنەمىن. جەڭىس جولىندا قولداۋ كورسەتكەن تالىمگەرلەر مەن جاتتىقتىرۋشىلار ەرەكشە العىسقا لايىق. بۇگىنگى باعىندىرعان بيىك بەلەستەر الداعى وليمپيادالارداعى جەتىستىكتەردىڭ باستاۋى دەۋگە بولادى، — دەدى ولجاس بەكتەنوۆ.

شاڭعىمەن تۇعىردان سەكىرۋ بويىنشا IV قىسقى جاسوسپىرىمدەر وليمپياداسىنىڭ چەمپيونى يليا ميزەرنىح پەن ونىڭ جاتتىقتىرۋشىسى قايرات بيەكەنوۆكە العىس حاتتار تابىس ەتىلدى.

سونىمەن قاتار شايبالى حوككەي بويىنشا قولا جۇلدە ولجالاعان ارسەني كۋچكوۆسكي، نيكيتا كۋلاكوۆ، تەمىرلان ايبول ۇلى، ماتۆەي رەشەتكو، راسۋل تۇرسىنوۆ، جاھانگەر تىلەۋحان، تاير بيگارينوۆ، ەگور كراۆچەنكو، رومان ميچۋروۆ، ءادىلحان ساتتار، ءانۋار احمەتجانوۆ جانە كوماندانى جاتتىقتىرۋشى رامازان قايداروۆتىڭ دا ەڭبەكتەرى اتاپ ءوتىلدى.

ويىندار چەمپيونى يليا ميزەرنىح بارلىق سپورتشىنىڭ اتىنان العىس ءبىلدىرىپ، دايىندىق كەزىندە قۇرامانىڭ جاتتىقتىرۋشىلار قويعان مىندەتتەرىن بارلىق كۇش-جىگەرىن سالىپ ورىنداعانىن ايتتى.

التىن مەدال – مەنىڭ عانا جەڭىسىم ەمەس، بۇل بۇكىل كوماندا مەن جاتتىقتىرۋشىلار قۇرامىنىڭ جۇمىسىنىڭ ناتيجەسى. ەلىمىزدىڭ پرەزيدەنتى قاسىم-جومارت كەمەل ۇلى توقاەۆتىڭ قۇتتىقتاۋىن ەستىپ، توبەم كوككە جەتكەندەي بولدى. ول ماعان جانە باسقا قازاقستاندىق سپورتشىلارعا دا جاڭا جەڭىستەر تىلەدى. بۇل ءبىزدى ودان ءارى شابىتتاندىرا تۇسەدى. شالعايدا جۇرسەك تە ءبىز ۇلكەن قولداۋدى سەزىندىك، بۇل – ءبىزدىڭ ورتاق جەڭىسىمىز! العا، قازاقستان! – دەدى ول.

جالپى مەدال سانى بويىنشا قازاقستان الەمنىڭ 78 ەلى اراسىندا 20-ورىندى يەلەندى.