كەلەسى قىسقى ازيا ويىندارى حاربيندە بولادى

ازيا وليمپيادا كەڭەسى  IX قىسقى ازيا ويىندارى وتەتىن قالانى اتادى.

سارى قۇرلىقتىڭ كەلەسى اق وليمپيالىق ويىندارى 2025 جىلى قىتايدىڭ حاربين قالاسىندا 7 اقپان مەن 14 ناۋرىز ارالىعىندا بولادى، دەپ حابارلادى تۋريزم جانە سپورت مينيسترلىگىنىڭ سپورتتى دامىتۋ ديرەكتسياسى.

ازيا وليمپيادا كەڭەسى كەشەندى جارىستى ۇيلەستىرۋشى كوميتەت وكىلدەرىمەن كەزدەسىپ، بويتۇمار، ەمبلەما جانە ۇراندى بەكىتتى.

IX ويىنداردىڭ ۇرانى -«قىسقى ارماندار، ازيا ورتالىعىنداعى ماحاببات» (Dreams of Winter، Love among Asia) دەپ جاريالاندى.

حاربيندە وسىعان دەيىن 1996 جىلى قىسقى ازيا ويىندارى بولدى. سول كەزدەگى مۇز سارايىنىڭ بىرنەشە الاڭى كەلەسى جىلى دا قولدانىلادى. رەتى بويىنشا ءىىى ويىندار قازاقستان دەلەگاتسياسى ءۇشىن تابىستى بولدى. ۇلتتىق قۇراما سول جىلى 14 التىن، 9 كۇمىس، 8 قولا (بارلىعى 31) جۇلدەمەن جالپى ەسەپتە قىتايدان كەيىن ەكىنشى ورىندى العان بولاتىن.