رىباكينا ەكى ايدا بەس رەت WTA ءتۋرنيرىنىڭ شيرەك فينالىنا شىقتى

ەلىمىزدىڭ ءبىرىنشى راكەتكاسى ەلەنا رىباكينا جىل باسىنان بەرى بەسىنشى رەت WTA ءتۋرنيرىنىڭ شيرەك فينالىنا شىقتى.

قازىر ول قاتاردىڭ دوحا قالاسىندا بولعان WTA تۋرنيرىنەن كەيىن بىرىككەن اراب امىرلىكتەرىنىڭ دۋباي قالاسىندا ءوتىپ جاتقان تاعى ءبىر حالىقارالىق تۋرنيرگە قاتىسىپ جاتىر. دوحادا تەننيسشى فينالعا دەيىن جەتىپ، كۇمىس مەدال الىپ قالعان ەدى. وسى جولى دا رىباكينانىڭ ماقساتى فينالعا شىعىپ، WTA ءتۋرنيرىنىڭ باس جۇلدەسىن جەڭىپ الۋ.

قازاقستان تەننيس فەدەراتسياسىنىڭ مالىمەتىنە قاراعاندا، رىباكينا وسى جولدا اياعىن انىق باسىپ كەلەدى.

كەشە ول دۋبايداعى WTA ءتۋرنيرىنىڭ  قازاقستاندىق سپورتشى سوڭعى ون جىلدا وسىنداي  فينالىنا شىقتى. وسىلايشا سپورتشى تەننيسشىلەر اراسىندا سوڭعى 10 جىلدا شيرەك فينالعا جولداما العان ءۇش تەننيسشىنىڭ ءبىرى اتاندى.

بۇعان دەيىن  يسپانيالىقتار كارلا سۋارەس-ناۆاررو (2015) مەن گاربينە مۋگۋرۋسا (2020) رىباكينا سياقتى حالىقارالىق تۋرنيردە قاتارىنان بەس رەت 1/فينالعا جولداما العان بولاتىن.

بيىلعى ماۋسىمدا ەلەنا رىباكينا اۋستراليانىڭ بريسبەن مەن ءباا-ءنىڭ ابۋ-دابي قالاسىندا وتكەن WTA ءتۋرنيرىنىڭ جەڭىمپازى اتانسا، جاسىل قۇرلىق ەلىنىڭ تاعى ءبىر قالاسى – ادەلايدادا  شيرەك فينالعا دەيىن جەتتى. ال دوحادا WTA 1000 جارىسىنىڭ فينالىندا ونەر كورسەتتى.

21 اقپاندا ەلەنا رىباكينا پولشا وكىلى ماگدالەنا فرەنحتتەن باسىم ءتۇسىپ، دۋباي WTA 1000 دوداسىنىڭ شيرەك فينالىنا جولداما الدى. بۇل جولى ءبىرىنشى پارتيادا ەسەپ 3:3 بولعان كەزدە ەسەپ 5:2 بولدى. ودان كەيىن ەسەپ 5:5 بولىپ تەڭەستى.  تاي-برەيكتە رىباكينا 2:5 ەسەبىمەن ۇتىلىپ جاتىپ، قاتارىنان بەس دوپتى ءوز ەسەبىنە جازدى. ەسەپ  – 7:6 (7:5). سودان كەيىن ءۇشىنشى سەتتە 6:3، ال ءتورتىنشى، شەشۋشى پارتيادا رىباكينا برەيك جاساپ، 6:4 ەسەبىمەن جەڭىسكە جەتتى.

ەندى رىباكينا جۇلدە قورى 3،2 ملن اقش دوللارىنان اساتىن دودانىڭ جارتىلاي فينالىنا شىعۋ ءۇشىن الەمنىڭ 26-راكەتكاسى، يتاليالىق ياسمينا پاولينيمەن كەزدەسەدى.

داستان كەنجالين،

استانا