SportPress.kz قازاقستان سپورت جاڭالىقتارى
24-25 اقپان ارالىعىندا پولشانىڭ استاناسى – ۆارشاۆا قالاسىندا دزيۋدودان وتكەن ەرەسەكتەر اراسىنداعى European Open تۋرنيرىندە قازاقستان قۇراماسى ەكى قولا مەدال جەڭىپ الدى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسى.
اسا اۋىر سالماقتا (+78 كگ) كادەتتەر اراسىنداعى الەم چەمپيوناتىنىڭ كۇمىس جۇلدەگەرى مادينا پاراگۋلگوۆا قولا جۇلدە ءۇشىن بەلدەسۋدە نيدەرلاند سپورتشىسى سۆيرس پوليەننەن باسىم ءتۇستى. بۇل سالماقتا ءمادينادان پاراگۋلگوۆادان باسقا تولقىن تۇرسىناقىنوۆا دا باق سىناپ، جۇبانىش كەزدەسۋىندە ءدال وسى نيدەرلاند وكىلىنە ەسە جىبەردى.
ەرلەر سايىسىندا ەڭ جەڭىل 60 كەلىدە جاستار اراسىنداعى الەم چەمپيوناتىنىڭ قولا جۇلدەگەرى شەرزود داۆلاتوۆ گرۋزيا سپورتشىسى توما گەلاشۆيليدەن ايلاسىن اسىردى. شەرزود داۆلادوۆ بىلتىر دا پولشاداعى جارىمستا ءۇشىنشى ورىن العان بولاتىن.
ەكى كۇنگە جالعاسقان دودادا 37 ەلدەن 458 تاتامي شەبەرى 14 سالماقتا جۇلدەگەرلەردى انىقتادى.
