SportPress.kz قازاقستان سپورت جاڭالىقتارى
رەسەيدىڭ تاتارستان رەسپۋبليكاسىنىڭ قازان قالاسىندا ءوتىپ جاتقان «بولاشاق ويىندارىندا – Future Games 2024» تۋرنيرىندە ەلىمىزدىڭ بەس ادامنان قۇرالعان XGod كومانداسى «Counter-Strike 2 + لازەرتاگ» جارىسىندا جەڭىمپاز اتاندى، دەپ حابارلادى قازاقستان كيبەرسپورت فەدەراتسياسى.
تۋرنيردە سۇلەيمەن ورازالى جارىستىڭ ۇزدىك ويىنشىسى اتاندى. Xgod كومانداسى فينالدا LFO (looking for Org) كومانداسىنان 2:0 ەسەبىمەن باسىم ءتۇستى. جەڭىمپاز كومانداعا 175 مىڭ دوللار (شامامەن 80 ملن تەڭگە) بەرىلدى.
ەكىنشى ورىن العان LFO 100 مىڭ دوللارعا يە بولدى. ءۇشىنشى ورىندى LoveKazan ستريمەرلەر كومانداسىن 2:0 ەسەبىمەن جەڭگەن Hotu قۇراماسى يەلەندى.
بۇل ءتۋرنيردىڭ جالپى جۇلدە قورى 500 مىڭ دوللار (225 ملن تەڭگە) بولدى.
XGod كومانداسىندا امانگەلدى سەيىتقاليەۆ (icem4N)، سۇلەيمەن ورازالى (dukefissura)، ايدوس قايىرجان (kade0)، رۇستەم تەلەپوۆ (mou) پەن يلنار گالەەۆ (cau)، رەسەيلىك ميحايل ستولياروۆ (Dosia)، رومان كوبزاەۆ (Ivo) پەن ۆالەري مۇستافين (Vegas) جاتتىقتىرۋشى پوزيتسياسىندا وينادى.
قازاقستاننىڭ CS ويىنشىلارى الەمدىك ارەنادا بۇرىننان بەرى تانىلىپ، حالىقارالىق تۋرنيرلەردە جانكۇيەرلەردى قۋانتىپ كەلەدى.
مۇنداي جۇلدە قورى شىن مانىندە كيبەرسپورت الەمى ءۇشىن جوعارى ماراپات. ءبىز ءوز كەزەگىندە قازاقستانداعى كيبەرسپورت ينفراقۇرىلىمىن ودان ءارى جەتىلدىرۋدى جالعاستىرامىز. جارىستاردى دا ءجيى وتكىزەتىن بولامىز، — دەدى كيبەرسپورت فەدەراتسياسىنىڭ پرەزيدەنتى قۋانىشبەك ەسەكەەۆ.
«بولاشاق ويىندارى – Future Games 2024» قازاندا 19 اقپاندا باستالعان. ول 3 ناۋرىزدا اياقتالادى. تۋرنير فيدجيتال پىشىنىندە بولىپ جاتىر. وعان بارلىعى 260+ حالىقارالىق جەكە كوماندالار (ۇلتتىق قۇرامالار ەمەس) جانە ءار ەلدەن 2000-نان استام كيبەرسپورتشى قاتىسۋدا.
جارىستارعا گەيمدەۆ، كيبەرسپورت، روبوتوتەحنيكا (درون جارىسى جانە روبوت شايقاستارى)، كەڭەيتىلگەن جانە ۆيرتۋالدى شىندىق، اقپاراتتىق تەحنولوگيالار جانە جاساندى ينتەللەكت سالاسىنداعى ازىرلەمەلەر كىرەدى. جالپى جارىس 21 ءپان بويىنشاع ياعني 16 نەگىزگى جانە 5 كەڭەيتىلگەن باعدارلامادا بولىپ جاتىر. بۇل ويىندارعا قازاقستاننان بارعان 48 كيبەرسپورتشى 13 ءپان بويىنشا باق سىناۋدا. ويىنداردىڭ جۇلدە قورى — 900 ملن رۋبل (10 ملن دوللار)، تەڭگەمەن ەسەپتەگەندە 4،5 ملرد تەڭگە.
