«Bolashaq oıyndary 2024»: Qazaqstan kıbersportshylary 175 myń dollar aldy

Reseıdiń Tatarstan Respýblıkasynyń Qazan qalasynda ótip jatqan «Bolashaq oıyndarynda – Future Games 2024» týrnırinde elimizdiń bes adamnan quralǵan XGod komandasy «Counter-Strike 2 + lazertag» jarysynda jeńimpaz atandy, dep habarlady Qazaqstan kıbersport federaııasy.

Týrnırde Súleımen Orazaly jarystyń úzdik oıynshysy atandy. Xgod komandasy fınalda LFO (looking for Org) komandasynan 2:0 esebimen basym tústi. Jeńimpaz komandaǵa 175 myń dollar (shamamen 80 mln teńge) berildi.

Ekinshi oryn alǵan LFO 100 myń dollarǵa ıe boldy. Úshinshi oryndy LoveKazan strımerler komandasyn 2:0 esebimen jeńgen Hotu quramasy ıelendi.

Bul týrnırdiń jalpy júlde qory 500 myń dollar (225 mln teńge) boldy.

XGod komandasynda Amangeldi Seıitqalıev (icem4N), Súleımen Orazaly (dukefissura), Aıdos Qaıyrjan (kade0), Rústem Telepov (mou) pen Ilnar Galeev (cau), reseılik Mıhaıl Stolıarov (Dosia), Roman Kobzaev (Ivo) pen Valerıı Mustafın (Vegas)  jattyqtyrýshy pozıııasynda oınady.

Qazaqstannyń CS oıynshylary álemdik arenada burynnan beri tanylyp, halyqaralyq týrnırlerde jankúıerlerdi qýantyp keledi.

Mundaı júlde qory shyn máninde kıbersport álemi úshin joǵary marapat. Biz óz kezeginde Qazaqstandaǵy kıbersport ınfraqurylymyn odan ári jetildirýdi jalǵastyramyz. Jarystardy da jıi ótkizetin bolamyz, — dedi Kıbersport federaııasynyń prezıdenti Qýanyshbek Esekeev.

«Bolashaq oıyndary – Future Games 2024» Qazanda 19 aqpanda bastalǵan. Ol 3 naýryzda aıaqtalady. Týrnır fıdjıtal pishininde bolyp jatyr. Oǵan barlyǵy 260+ halyqaralyq jeke komandalar (ulttyq quramalar emes) jáne ár elden 2000-nan astam kıbersportshy qatysýda.

Jarystarǵa geımdev, kıbersport, robototehnıka (dron jarysy jáne robot shaıqastary), keńeıtilgen jáne vırtýaldy shyndyq, aqparattyq tehnologııalar jáne jasandy ıntellekt salasyndaǵy ázirlemeler kiredi. Jalpy jarys 21 pán boıynshaǵ ıaǵnı 16 negizgi jáne 5 keńeıtilgen baǵdarlamada bolyp jatyr. Bul oıyndarǵa Qazaqstannan barǵan 48 kıbersportshy 13 pán boıynsha baq synaýda. Oıyndardyń júlde qory — 900 mln rýbl (10 mln dollar), teńgemen eseptegende 4,5 mlrd teńge.