SportPress.kz Qazaqstan sport jańalyqtary
Fılıppınniń Nıý-Klark-Sıtı qalasynda sý sporty túrlerinen ótip jatqan Azııa chempıonatynda Qazaqstan sportshylary taǵy bir altyn medal jeńip aldy, dep habarlady Týrızm jáne sport mınıstrligi Sportty damytý dırekııasy.
Kórkem júzýden Qazaqstan quramasy (13-15 jas) aralas toptyq saıysta chempıon atandy. Komanda quramynda Mılana Ashahanova, Karına Doenko, Sanııa Gıbadýllına, Anjelına Gorıýshına, Sofııa Iщenko, Daıana Jamanchalova, Albına О́mirserikova, Varvara Snegırıova, Aıaýlym Jaqpaeva, Perızat Bagaeva óner kórsetti.
Qyzdar aralas toptyq saıysta 204.6708 upaı ıelendi. Ekinshi orynǵa 183.5552 upaımen О́zbekstannyń sportshylary, úshinshi orynǵa 124.9374 upaı jınaǵan Taılandtyń ókilderi ıe boldy.
Azııa chempıonatynda sý dobynan Qazaqstan jastar quramasy alǵashqy oıynda Shrı-Lankadan 43:1 esebimen basym tústi.
Toptyq kezeńniń alǵashqy oıynynda Qazaqstan Shrı-Lanka komandasyn 43:1 esebimen jeńdi.
Komandanyń quramynda Kýbaıdolla (9), Satbegen (7), Nurtaza (5), Álı, Panteelev, Grıbov (4), Beloýsov, Madımır, Sýleıman (3) gol salsa, Baltabekuly bir doptyń avtory atandy.
V tobynda vaterpolshylarymyzben birge Sıngapýr, Shrı-Lanka, Iran men Malaızııa quramalary oınaıdy,
A tobyna Qytaı, Japonııa, О́zbekstan, Saýd Arabııasy men Taıland komandalary qatysyp jatyr.
Vaterpolshy qyzdar quramasy da jarysty jeńispen bastady. Alǵashqy oıynda otandastarymyz Shrı-Lankany 43:4 esebimen aılasyn asyrdy.
Qazaqstan quramasynda Darına Sembek (10), Anelıa Altybasarova (6), Alına Ozkaıa, Iana Martynova, Angelına Lemachko (5), Iana Smolına, Iýlııa Drýjınına (4), Aıda Alpysbaı (2) gol salsa, Anfısa Jýravleva men Arıadna Zatylnıkova bir-bir ret dopty torǵa toǵytty.
Chempıonatqa 7 komanda (Qazaqstan, Japonııa, Taıland, О́zbekstan, Sıngapýr, Shrı-Lanka, Qytaı) qatysyp jatyr. Olar aınalmaly júıe boıynsha ózara baq synasyp, eń kóp upaı jınaǵan quramalar júldege ıe bolady.
Dastan KENJALIN,
ASTANA
View this post on Instagram
