قازاق سپورت جۋرناليستيكاسىنىڭ ماۋەلى بايتەرەگى ەدى

قازاق سپورت جۋرناليستيكاسىنىڭ ماۋەلى بايتەرەگى، قازاق سپورت كوممەنتاتورلىق قىزمەتىنىڭ  ىرگەسىن قالاعان جاننىڭ ءبىرى، ءوز سالاسىنىڭ قامشى سالدىرماس ساڭلاعى بولعان، ارداقتى اعامىز، وي كەمەل، ايتارى بايتاق جانى جايساڭ اسىل ۇستازىم رابات جانىبەكوۆ باقيلىق ومىرگە اتتانىپ كەتتى.

اياۋلى اعامنىڭ قازاقتىڭ كوممەنتاتورلىق مەكتەبىنىڭ دامۋىنا قوسقان ۇلەسى شەكسىز ەدى. ءوزىنىڭ فۋتبول جۇرگىزىپ وتىرعاندا قيىننان قيىستىرىپ قولداناتىن تاپقىر سوزدەرىمەن ميلليونداعان كورەرمەندەرىن باۋراپ الاتىن ايىرىقشا قاسيەتىن قالاي عانا ۇمىتامىز. رابات اعامىزدىڭ ورايى كەلگەندە ويدان شىعارا سالىپ ايتقان ورامدى ءسوز تىركەستەرى بۇگىنگى ۇرپاققا مۇرا بولىپ قالدى. قانشا رەت اۋىلعا اپارىپ قوناق ەتكەنىمدە، اكە-شەشەممەن قۋانا قاۋىشىپ تاڭدى تاڭعا اتىرىپ اڭگىمەلەسۋشى ەدى جارىقتىق.

ءوزى اڭگىمەشىل، ءبىلىمى تەرەڭ بولاتىن. اكەم مارقۇم ماعان: «بالام راباتتى اۋىلعا، ۇيگە ءجيى اكەلىپ تۇرشى، ءوزىن ساعىنىپ قالام»،  دەۋشى ەدى. قايران اعام باقىل بول! جانناتتان جانىڭىز جاي تاپسىن! ءسىزدى ەشقاشان ۇمىتپايمىز! الدىڭىز پەيىش ارتىڭىز كەنىش بولسىن اسىل اعا!

اقىن ورداباي ۇلى،

الماتى