Qazaq sport jýrnalıstıkasynyń máýeli báıteregi edi

Qazaq sport jýrnalıstıkasynyń máýeli báıteregi, qazaq sport kommentatorlyq qyzmetiniń  irgesin qalaǵan jannyń biri, óz salasynyń qamshy saldyrmas sańlaǵy bolǵan, ardaqty aǵamyz, oı kemel, aıtary baıtaq jany jaısań asyl ustazym Rabat Jánibekov baqılyq ómirge attanyp ketti.

Aıaýly aǵamnyń qazaqtyń kommentatorlyq mektebiniń damýyna qosqan úlesi sheksiz edi. О́ziniń fýtbol júrgizip otyrǵanda qıynnan qıystyryp qoldanatyn tapqyr sózderimen mıllıondaǵan kórermenderin baýrap alatyn aıyryqsha qasıetin qalaı ǵana umytamyz. Rabat aǵamyzdyń oraıy kelgende oıdan shyǵara salyp aıtqan oramdy sóz tirkesteri búgingi urpaqqa mura bolyp qaldy. Qansha ret aýylǵa aparyp qonaq etkenimde, áke-sheshemmen qýana qaýyshyp tańdy tańǵa atyryp áńgimelesýshi edi jaryqtyq.

О́zi áńgimeshil, bilimi tereń bolatyn. Ákem marqum maǵan: «Balam Rabatty aýylǵa, úıge jıi ákelip turshy, ózin saǵynyp qalam»,  deýshi edi. Qaıran aǵam baqyl bol! Jannattan janyńyz jaı tapsyn! Sizdi eshqashan umytpaımyz! Aldyńyz peıish artyńyz kenish bolsyn asyl aǵa!

Aqyn ORDABAIULY,

ALMATY