Lıenzııalyq týrnır: Qazaqstan quramyndaǵy jańa boksshy jeńiske jetti (VIDEO)

Bokstan Italııanyń Býsto-Arsııo qalasynda ótip jatqan lıenzııalyq týrnırdiń úshinshi jarys kúninde ulttyq qurama sapyndaǵy úsh sportshy sharshy alańǵa shyǵyp, bári jeńiske jetti.

Aldymen áıelder arasynda 60 kelidegi Rımma Volosenko ekinshi jekpe-jeginde Majarstannyń  22 jastaǵy Petra Szabony aıqyn basymdylyqpen jeńgen soń, rıngke Astana ýaqytymen keshki saǵat 22:00-de álem chempıony Aslanbek Shymbergenov kóterildi.

Ol keshki sessııada 71 keli salmaqta fın Sem Morovatımen qolǵap túıistirdi. Aıqas sońyna deıin bolmady. Komanda kapıtany ekinshi raýndta tehnıkalyq nokaýtpen jeńdi.

Sodan keıin sharshy alańǵa Olımpıadaǵa irikteý týrnırinde alǵash ret 63,5 kelidegi Muhammedsabyr Bazarbaıuly shyqty.  Ol 1/32 fınalda Trınıdad jáne Tobago ókili Donnel Fılıppten aılasyn asyrdy.

Bazarbaıuly úshinshi raýndta qarsylasyn nokdaýnǵa da túsirdi.

Endi búgin erler 51, 92,+92 keli jáne áıelder 60, 66, 75 kelide judyryqtasady.

Buǵan deıin qarsylastaryn jeńgen ulttyq qurama sapynda 51 kelidegi álem chempıony Sáken Bıbosynov, 92 kg salmaqtaǵy Aıbek Oralbaı men 60 kelidegi Rımma Volosenko úshinshi jekpe-jegine shyǵady.

Rımma Volosenko Qazaqstan ýaqytymen saǵat 15:00-de Mýıno Kamıla Paola Pıneıromen, Sáken Bıbosynov túngi saǵat 00:30-de Karandja Davıd Macharıamen, al  Aıbek Oralbaı saǵat 01:15-de Sanjıt Sanjıtpen qolǵap túıistiredi.

Dastan KENJALIN,

ASTANA

 

View this post on Instagram

 

A post shared by Kazakhstan Boxing Federation (@boxingkazakhstan)

 

View this post on Instagram

 

A post shared by Kazakhstan Boxing Federation (@boxingkazakhstan)