سۋ سپورتىنان اچ: قازاقستان كوركەم جۇزۋدەن كۇمىس جۇلدە الدى

ءفيليپپيننىڭ نيۋ-كلارك-سيتي قالاسىندا سۋ سپورتىنان ءوتىپ جاتقان ازيا چەمپيوناتىندا حانچجوۋداعى ازيا ويىندارىنىڭ قولا جۇلدەگەرلەرى — ياسمين تۇياقوۆا مەن ارينا پۋشكينا (15-19 جاس توبى) جۇپتىق سايىستىڭ ەركىن باعدارلاماسىندا كۇمىس جۇلدەنى يەلەندى.

ءبىرىنشى ورىندى 347.4859 بالل العان وزبەكستاننىڭ سپورتشىلارى زيوداحون توشحۋدجاەۆا مەن اننا ۆاششەنكو الدى. ال قازاقستانىڭ دۋەى 340.1650 ۇپاي جينادى. ءۇشىنشى ورىنعا گونكونگتىڭ وكىلدەرى ۆونگ ۆينگ كا مەن ۆۋ كۋلوك يە بولدى. ولار قورجىندى 290.4529 ۇپايمەن تولتىردى.

سۋ دوبىنان قازاقستان جاستار قۇراماسى توپتىق كەزەڭنىڭ ءۇشىنشى ويىنىندا يران قۇراماسىنا پەنالتي سەرياسىندا ەسە جىبەردى.

قىزدار قۇراماسى ءۇشىنشى ويىندا سينگاپۋردى جەڭدى. ەرتەڭ ءبىزدىڭ ارۋلارىمىز قىتايمەن كەزدەسەدى. جارىسقا 7 كوماندا (قازاقستان، جاپونيا، تايلاند، وزبەكستان، سينگاپۋر، شري-لانكا، قىتاي) قاتىسىپ جاتىر. ولار جەڭىمپاز بەن جۇلدەگەرلەردى اينالمالى جۇيە بويىنشا انىقتايدى.

بۇعان دەيىن حابارلانعانداي، كەشە كوركەم ءجۇزۋ جارىسىندا دايانا دجامانچالوۆا مەن سوفيا يششەنكو جۇبى (13-15 جاس توبى) ەركىن باعدارلامادا التىن مەدالدى جەڭىپ الدى.

سۋ دوبىنان قازاقستان جاستار قۇراماسى توپتىق كەزەڭنىڭ العاشقى ماتچىندا شري-لانكانى 43:1 ەسەبىمەن جەڭسە، ەكىنشى ويىنىندا سينگاپۋر كومانداسىمەن كەزدەسىپ، 16:9 ەسەبىمەن جەڭىسكە جەتتى. ەندى ەرتەڭ ۇلتتىق قۇراما ۆ توبىنداعى سوڭعى ماتچتا مالايزيامەن كەزدەسەدى. جارتىلاي فينالعا ءوز توبىندا 1-2 ورىن العان كوماندالار شىعادى.

داستان كەنجالين،

استانا