Astanada Botaı jylqysyna eskertkish qoıý jáne ashyq aspan astyndaǵy mýzeı ashý usynyldy

Astanada 13 naýryzda respýblıkalyq JORYQ at sporty federaııasy men Astana qalasy Ulttyq jáne olımpıadalyq at sporty túrleri federaııasy arasynda memorandýmǵa qol qoıyldy, dep habarlady qala ákimdigi.

Qujatqa respýblıkalyq JORYQ at sporty federaııasynyń prezıdenti Baqytjan Turlybekov pen Astana qalasy Ulttyq jáne olımpıadalyq at sporty túrleri federaııasynyń prezıdenti Erlan Kanalımov qol qoıdy.

Memorandým 14 tarmaqtan turady. Ol eki federaııa arasyndaǵy áriptestikti, yntymaqtastyqty nyǵaıtýdy jáne at sportyn damytý men tanymaldyǵyn arttyrýdy kózdeıdi.

Atap aıtqanda, taraptar birlese otyryp at sportyn tıimdi damytýǵa baǵyttalǵan bastamalaryna qoldaý kórsetýge, Qostanaı jáne Adaı jylqylarynyń tuqymyn, jylqy malynyń qolǵa alǵash úıretilgen Botaı mádenıetin nasıhattaý kezinde birigip jumys istege kelisti.

Taraptar Astana qalasynyń shaǵyn saıabaqtarynyń birinde Botaı jylqysyna eskertkish ornatý jáne qoǵamdyq keńistikti sol taqyrypta abattandyrý men Astana qalasynda ashyq aspan astynda Botaı mádenıetiniń mýzeıin uıymdastyrý boıynsha birlesip jumys atqarýdy da josparlap otyr.

Sonymen qatar, eki federaııa at sportyna úles qosqan azamattardy jyl saıyn qoshemetteý jáne marapattaý saltanatty sharasyn uıymdastyryp, joǵary oqý oryndarymen birlesken sharalar ótkizýdi maqsat etedi.

Oǵan qosa qazaq jylqysyn, onyń qazaq turmysy men mádenıetindegi ornyn nasıhattaý jolynda Astana qalasyndaǵy teatrlardyń birinde arnaıy qoıylym kórsetý boıynsha birlesken jumys ta qolǵa alynady.

JORYQ respýblıkalyq at sporty federaııasy Ulttyq sport qaýymdastyǵynyń quramyna kiredi. Odan bólek, Qaýymdastyq quramynda Báıge, Kókpar, Aýdaryspaq, Jamby atý, Teńge ilý, Qusbegilik, Dástúrli sadaq atý, Asyq atý, Toǵyzqumalaq sııaqty federaııalar bar.

Ulttyq sport qaýymdastyǵyn belgili kásipker, meenat, Altyn Qyran Foundation Qoǵamdyq qory qamqorshylyq keńesiniń tóraǵasy Islambek Saljanov basqarady.