Taekvondoshy Ababakırov Olımpıada lıenzııasyn aldy

Taekvondoshy Samırhon Ababakırov (58 kg) Qytaıdyń Taıan qalasynda ótip jatqan lıenzııalyq týrnırde Parıj Olımpıadasynyń joldamasyna ıe boldy.

Jartylaı fınalda ol Fılıppın ókili Kýrt Brıan Barbosany aıqyn basymdyqpen jeńdi.

Ulttyq quramanyń sportshysy eki raýndta iri eseppen jeńiske jetti. Esep – 2:0.

Oǵan deıin Samırhon Ababakırov Nurhan Samıdınovty (Qyrǵyzstan), odan keıin Tanakrıt Iodrakty (Taıland) jeńgen bolatyn.

Bul — taekvondodan ulttyq quramanyń Parıj Olımpıadasyna alǵan ekinshisi joldamasy. Budan buryn Batyrhan Tóleýǵalı (-80 kg) alǵash bolyp lıenzııany ıelengen edi.

О́kinishke qaraı, joldamaǵa talasqan asa aýyr salmaqtaǵy Jansel Denız (+67 kg) Mýnıra Abdýsalımovadan (Tájikstan) jeńilip qaldy.

Osy týrnırge úsh joldama alamyz dep kelgenbiz. Qolǵa túskeni ekeý boldy. Bir qýanyshtysy Parıjge qos jas taekvondoshymyz barady. Batyrhan shildede 18-ge, Samırhon qyrkúıekte 21-ge tolady. Jyl ótken saıyn ulttyq qurama sapyna kóptep jastardy tartyp kelemiz. Biz tájirıbeli Jansel Denızden lıenzııa kútkenbiz. Alaıda ol qarsylasynan jeńilip qaldy. Jansel Ispanııada ótken 12 kúndik halyqaralyq oqý-jattyǵý jıyny kezinde tizesinen jaraqat alǵan. Eki jekpe-jek kezinde sonyń saldary kórinip turdy, — dedi Qazaqstan taekvondo federaııasynyń bas hatshysy Oljas Bespaev Sportty damytý dırekııasynyń baspasóz qyzmetine bergen suhbatynda.

Azııanyń sheshýshi týrnırine 33 elden 96 atlet qatysty. Mundaǵy jekpe-jekter kezinde bura tartý bolmas úshin Eýropa, Afrıka jáne Ońtústik Amerıkadan kelgen tóreshiler qyzmet etti. Olar endi para taekvondodan lıenzııalyq týrnırde jumysyn jalǵastyrady.

Jalpy, Qazaqstan quramasy 2004 jyldan beri turaqty túrde Olımpıadaǵa taekvondoshy aparady. Afınada el namysyn tek Ádilhan Saǵyndyqov qana qorǵaǵan. Sodan keıin Beıjińde Arman Shylmanov pen Lııa Nýrkına, Londonda Nursultan Mamaev, Gúlnafıs Aıtmuhambetova, Ferýza Ergeshova synǵa tústi. Al Rıo (Rýslan Japarov, Aınur Esbergenova) men Tokıodaǵy oıyndarda (Rýslan Japarov, Jansel Denız) eki taekvondoshymyz júldege talasqan. Ázirge Qazaqstan enshisinde Beıjińdegi Arman Shylmanovtyń qola júldesi bar.

Shamken BAIYRBEK,

Taıan, Qytaı