SportPress.kz قازاقستان سپورت جاڭالىقتارى
فۋتبولدان قازاقستان قۇراماسىنىڭ بىرىككەن اراب امىرلىكتەرىنىڭ دۋباي قالاسىندا ءوتىپ جاتقان وقۋ-جاتتىعۋ جيىنىنا تۇركيادان باحتيەر زاينۋتدينوۆ پەن ابات ايىمبەتوۆ كەلىپ، كوماندا ساپىنا قوسىلدى. بۇل تۋرالى قازاقستان فۋتبول فەدەراتسياسى حابارلادى.
باحتيەر زاينۋتدينوۆ ىستانبۇلدىڭ «بەشيكتاش» كلۋبىنان، ال ابات ايىمبەتوۆ ادانا قالاسىنىڭ «ادانا دەميرسپور» كومانداسىنان كەلدى.
كىم كەلگەنىن قاراساڭىزدارشى. باحا مەن ابات قوسىلدى. ەرتەڭ نۇرالىنى كۇتەمىز، – دەلىنگەن حابارلامادا.
قازىر قازاقستان قۇراماسى دۋبايدا 8 ناۋرىزدان بەرى جاتتىعىپ جاتىر. وسى جەردە ۇلتتىق قۇراما 19 ناۋرىزدا افينا قالاسىنا ۇشادى. ال 21 ناۋرىزدا ماگومەد اديەۆ جاتتىقتىراتىن ەلىمىزدىڭ باس كومانداسى ۇلتتار ليگاسىنىڭ پلەي-وفف ساتىسىندا گرەكيامەن وينايدى. ەگەر ۇلتتىق قۇراما وسى ويىندى جەڭسە گرۋزيا — ليۋكسەمبۋرگ ماتچىنىڭ جەڭىمپازىمەن كەزدەسىپ، 2024 جىلعى ەۋروپا چەمپيوناتىنا جولدامانى ساراپقا سالادى.
ناۋرىز ايىنىڭ باسىندا باس جاتتىقتىرۋشى ماگومەد اديەۆ گرەكيامەن ويىنعا قاتىساتىن ۇلتتىق قۇرامانىڭ ءتىزىمىن جاريالادى.ودان كەيىن ۇلتتىق قۇراما كوماندا 14 ناۋرىزدا تۇرىكمەنستان كومانداسىمەن جولداستىق ماتچ وتكىزدى. ماتچتا وتانداستارىمىز 2:0 ەسەبىمەن جەڭدى.
View this post on Instagram
