Zaınýtdınov pen Aıymbetov ulttyq qurama sapyna qosyldy (VIDEO)

Fýtboldan Qazaqstan quramasynyń Birikken Arab Ámirlikteriniń Dýbaı qalasynda ótip jatqan oqý-jattyǵý jıynyna Túrkııadan Bahtıer Zaınýtdınov pen Abat Aıymbetov kelip, komanda sapyna qosyldy. Bul týraly Qazaqstan fýtbol federaııasy habarlady.

Bahtıer Zaınýtdınov Ystanbuldyń «Beshıktash» klýbynan,  al Abat Aıymbetov Adana qalasynyń «Adana Demırspor» komandasynan keldi.

Kim kelgenin qarasańyzdarshy. Baha men Abat qosyldy. Erteń Nuralyny kútemiz, – delingen habarlamada.

Qazir Qazaqstan quramasy Dýbaıda 8 naýryzdan beri jattyǵyp jatyr. Osy jerde ulttyq qurama 19 naýryzda Afına qalasyna ushady. Al 21 naýryzda Magomed Adıev jattyqtyratyn elimizdiń bas komandasy Ulttar lıgasynyń pleı-off satysynda Grekııamen oınaıdy. Eger ulttyq qurama osy oıyndy jeńse Grýzııa — Lıýksembýrg matchynyń jeńimpazymen kezdesip, 2024 jylǵy Eýropa chempıonatyna joldamany sarapqa salady.

Naýryz aıynyń basynda bas jattyqtyrýshy Magomed Adıev Grekııamen oıynǵa qatysatyn ulttyq quramanyń tizimin jarııalady.Odan keıin ulttyq qurama komanda 14 naýryzda Túrikmenstan komandasymen joldastyq match ótkizdi. Matchta otandastarymyz 2:0 esebimen jeńdi.

 

View this post on Instagram

 

A post shared by Kazakhstan national football team (@kff_team)